Dünya birjalarında neftin qiyməti ucuzlaşmaqdadır.
"APA-Economics" xəbər verir ki, Nyu-Yorkun NYMEX əmtəə birjasında keçirilən elektron ticarət əməliyyatlarının gedişində WTI neftinin qiyməti 1 barelə görə 0,31 dollar və ya 0,58% azalaraq 53,57 dollar təşkil edib.
ICE London qitələrarası birjasında Brent markalı neftin 1 barelinin dəyəri isə 0,27 dollar və ya 0,48% artaraq 56,53 dollar olub.
Ötən gün ABŞ-ın Energetika Nazirliyi bəyan edib ki, ölkənin kommersiya neft ehtiyatları (strateji ehtiyatlar nəzərə alınmadan) yanvarın 27-si bitən həftə ərzində 6,5 mln. barel artaraq 494,8 mln. barelə çatıb. Halbuki analitiklər cəmi 3,3 mln. barel artım proqnozlaşdırırdı.
Neftin qiymətlərinə əlavə olaraq investorlar tərəfindən gəlirlərinin fiksə etməsi təzyiq göstərir.
Rusiyanın Tula vilayətinin iş adamlarından ibarət nümayəndə heyəti Azərbaycanın paytaxtı Bakıda səfərdədir. Tula vilayətində istehsal edilən məhsulların Azərbaycana tədarükü ilə bağlı müqavilələrin imzalanması gözlənilir.
2021-ci il ərzində Azərbaycanın ixracı 22,2 mlrd. ABŞ dolları, qeyri-neft sektoru üzrə 2,7 mlrd. ABŞ dolları təşkil edib.
2021-ci ildə Azərbaycanın qiymətli kağızlar bazarında 16 879,3 milyon manatlıq əməliyyat aparılıb.
