ABŞ Azərbaycan qazını nəql edəcək TAP vasitəsilə Rusiya qazının tədarükünü düşünür

ABŞ Azərbaycan qazını nəql edəcək TAP vasitəsilə Rusiya qazının tədarükünü düşünür
02 2017 10:34

Rusiya qazının Transadriatik qaz kəməri (TAP) vasitəsilə Avropaya nəqli Rusiyanın Avropa İttifaqının müvafiq qaydalarına əməl etməsi şərti ilə mümkündür.

Trend-in məlumatına görə, bunu ABŞ dövlət katibinin enerji diplomatiyası üzrə köməkçisinin müavini Robin Danniqan Yunanıstana səfəri zamanı deyib.

Onun sözlərinə görə, əsas məqsəd enerji bazarının effektiv rəqabətlə inkişaf edə bilməsi üçün müvafiq şəraitin yaradılmasıdır.

R.Danniqan qeyd edib ki, bu kontekstdə əsas vurğu “Cənub qaz dəhlizi” kimi layihələrə qoyulmalıdır. “Bu cür layihələr tədarük mənbələrini diversifikasiya etməyə və enerji bazarlarında rəqabətin təmin olunmasına imkan verəcək”.

Xəzərin Azərbaycan sektorundakı “Şahdəniz-2” yatağından çıxarılan qazı Türkiyəyə və bu ölkədən Avropaya nəql edəcək TANAP “Cənub Qaz Dəhlizi”nin tərkib hissəsi olan bir layihədir. TANAP Türkiyə-Gürcüstan sərhədində Cənubi Qafqaz Boru Kəmərinə, Türkiyə-Yunanıstan sərhədində isə “Trans-Adriatik” (TAP) qaz boru kəmərinə birləşəcək. Uzunluğu 1810 kilometr olan TANAP-ın Əskişəhərə qədər olan hissəsinin 2018-ci ilin ortasında istismara verilməsi nəzərdə tutulur, hazırda layihə üzrə işlərin 55 faizi yerinə yetirilib. Boru kəmərinin ilkin ötürücülük qabiliyyəti 16 milyard kubmetrdir və sonradan bu həcmin 31 milyard kubmetrədək artırılması imkanı var.

TANAP-ın səhmdarlarının bu layihədə payı belədir: “Cənub Qaz Dəhlizi”
QSC - 58 faiz, “Botaş” - 30 faiz və BP şirkəti - 12 faiz.

Dəyəri 4,5 milyard avro olan TAP boru kəməri isə Türkiyə-Yunanıstan sərhədində TANAPA-a birləşəcək.


27 Noy 2021
İqtisadiyyat

Azərbaycan nefti kəskin ucuzlaşıb

Azərbaycanın dünya bazarına çıxararaq satdığı “Azeri Light” markalı xam neftin qiyməti 8,91 ABŞ dolları, yaxud 10,8 % azalıb.

25 Noy 2021
İqtisadiyyat

İşğaldan azad edilmiş ərazilərin investisiya potensialı Koreyada təqdim olunub - FOTO

Koreya Respublikasının paytaxtı Seul şəhərində “Azərbaycan - Koreya Ticarət və İnvestisiya Forumu: Qarabağa Böyük Qayıdış: azad olunmuş ərazilərin investisiya potensialı, cari və planlaşdırılmış layihələr” mövzusunda tədbir keçirilib.

23 Noy 2021
İqtisadiyyat

Azərbaycanda dollar qəbulu yenidən aktiv olacaq - AÇIQLAMA

Bankomatlar vasitəsilə dollar əsginasların qəbulu prosesinin bərpası üzrə işlər aparılır.

23 Noy 2021
İqtisadiyyat

KOBİA-nın İdarə Heyətinin sədri “Yüksəliş” müsabiqəsinin qalibi ilə görüşüb - FOTO

Kiçik və Orta Biznesin İnkişafı Agentliyinin (KOBİA) İdarə Heyətinin sədri Orxan Məmmədov “Yüksəliş” müsabiqəsinin qaliblərindən biri olan Elçin Mirzəzadə ilə mentorluq proqramı çərçivəsində görüşüb.