“Counterpoint” şirkətinin analitiklərinin məlumatına görə, 2016-cı ildə qlobal smartfon tədarükü 3 faiz yüksələrək 1,5 milyardı ötüb. Bu halda ilin son rübündə smartfonların tədarük həcmi 9 faiz artaraq 440 milyon aparat təşkil edib.
AZƏRTAC “dailycomm.ru” saytına istinadən xəbər verir ki, ötən il dünya bazarına “LTE” texnologiyasını dəstəkləyən 1 milyarddan çox smartfon tədarük olunub. Beləliklə, 5 qurğudan 4-ü dördüncü nəsil mobil rabitə standartını dəstəkləyib. Ekspertlər Çini “LTE” texnologiyasının tətbiqi üzrə lider adlandırıblar və bildiriblər ki, “LTE” abunəçilərinin ümumi sayının təxminən 50 faizi həmin ölkənin payına düşür.
ABŞ, Çin və Hindistan ən böyük smartfon satış bazarı olublar: 2016-cı ildə dünyada istehsal edilmiş smartfonların ümumi həcminin təxminən 50 faizi bu ölkələrə tədarük edilib.
Brendlər haqda məlumat verən analitiklər bildiriblər ki, ilin nəticəsinə görə, smartfon bazarının liderləri “Apple” və “Samsung” şirkətlərinin tədarük həcmində azalma qeydə alınıb, Çin şirkətləri (“Huawei”, “Oppo” və “Vivo”) isə artımı təmin ediblər.
Gələcək sülh danışıqlarında ilk maddə qeyd-şərtsiz atəşkəs barədə razılaşma olmalıdır.
Bu gün Ukrayna Prezidenti Volodimir Zelenski ABŞ-li həmkarı Donald Trampla telefon danışığı aparacaq.
Türkiyə 2025-cü ilin fevral ayında Qazaxıstana polad ixracını 2024-cü ilin eyni dövrü ilə müqayisədə 74,4 faiz artaraq 3 milyon 320 min 85 dollara çatdırıb.
