20 yanvar faciəsinin 27-ci ildönümü Koreya mediasında

20 yanvar faciəsinin 27-ci ildönümü Koreya mediasında
17 2017 17:51

“The Korea Times” qəzetində 20 yanvar faciəsinin 27-ci ildönümü ilə əlaqədar Azərbaycanın Koreyadakı səfiri Rəmzi Teymurovun müsahibəsi dərc olunub.

Trend qəzetə istinadən xəbər verir ki, “Bakı faciəvi tarixini Seul ilə bölüşür” adlı məqalədə iki ölkənin tarixi oxşarlığı ilə bağlı sualı cavablandıran səfir R.Teymurov Azərbaycan və Koreyanın oxşar tarixə malik olduqlarını, hər iki ölkənin çoxsaylı işğallara və hücumlara məruz qalmalarına baxmayaraq, öz küllərindən yenidən doğulduqlarını və bu gün yerləşdikləri regionun lider ölkələrinə çevrildiklərini bildirmişdir.

Səfir R.Teymurov 20 yanvar faciəsi ilə bağlı keçirilən tədbirlərin və mətbuatda gedən müsahibələrin Azərbaycanla bağlı daha ətraflı məlumatın Koreya ictimaiyyətinə çatdırılmasında mühüm rol oynadığını bildirib. O, həmçinin bu kimi faciənin bir daha nə Azərbaycan, nə də hər hansı başqa bir ölkədə yaşanmayacağına ümidvar olduğunu bildirib.

Məqalədə 20 yanvar hadisələrinin qısa tarixçəsinə yer verilib, həmin qanlı gecədə 133 nəfər mülki şəxsin öldürüldüyü, 700 nəfərin yaralandığı qeyd edilib, bu hadisənin Azərbaycan xalqında qəzəb hissini oyatdığını və nəticədə 1991-ci ildə ölkənin müstəqilliyini əldə etdiyi qeyd edilib. 20 yanvar faciəsinin hər il ölkə səviyyəsində qeyd olunduğu, ölkə başçısının, hökumət və parlament üzvləri, digər yüksək vəzifəli şəxslər, o cümlədən ölkə əhalisinin Şəhidlər Xiyabanını ziyarət etdiyi və Azərbaycanın azadlığı və müstəqilliyi uğrunda şəhid düşmüş Azərbaycanın oğul və qızlarının yad edildiyi qeyd olunub.

Məqalədə eyni zamanda, bu il Xocalı Soyqırımının 25-ci ildönümünün qeyd edildiyi də vurğulanıb və soyqırım barədə məlumat verilib. Dağlıq Qarabağın Xocalı şəhərində Ermənistan hərbi qüvvələri və keçmiş Sovet İttifaqının 366-cı motoatıcı alayı tərəfindən törədilmiş sıyqırım nəticəsində 613 etnik azərbaycanlının öldürüldüyü, 1275 nəfərin girov götürüldüyü, 150 nəfərin itkin düşdüyü, 76-sı yeniyetmə olmaqla 487 nəfərin əlil edildiyi qeyd olunub. Səfir R.Teymurov koreyalıların soyqırımla bağlı məlumatlandırılması istiqamətində Səfirlik tərəfindən aparılan işin davam etdiriləcəyini bildirib.

Məqalədə 2017-ci ilin Azərbaycan və Koreya arasında diplomatik münasibətlərin qurulmasının 25-ci ildönümünə təsadüf etdiyi və bu çərçivədə səfirlik tərəfindən bir sıra siyasi və mədəni tədbirlərin keçirilməsinin planlaşdırıldığı qeyd edilib.


27 Sent 2020
Siyasət

İlham Əliyev Azərbaycan xalqına müraciət edib - YENİLƏNİB + VİDEO

Sentyabrın 27-də Azərbaycan Respublikasının Prezidenti İlham Əliyev xalqa müraciət edib.

27 Sent 2020
Siyasət

Prezident: “Ermənilər bizim məscidlərimizdə inək, donuz saxlayır”

“Ermənistan Azərbaycanın işğal olunmuş torpaqlarında qanunsuz məskunlaşma işləri aparır. Bu hərbi cinayətdir və Cenevrə konvensiyasına tamamilə ziddir”.

27 Sent 2020
Siyasət

Prezident: “Azərbaycanla hədə-qorxu dili ilə danışan bundan peşman olacaq”

Ermənistanın planı bu təxribatı törədərək Azərbaycan torpaqlarını işğal etməkdir. Ermənistanın hərbi-siyasi rəhbərliyi Azərbaycanı yeni işğal ilə hədələməyə çalışırdı. Bu gün Ermənistan Hərbi siyasi rəhbərliyinin məqsədi budur.

27 Sent 2020
Siyasət

Ali Baş Komandan: “Biz zəfər çalacağıq”

“Bu gün Azərbaycan Ordusu öz torpağında Azərbaycanın ərazi bütövlüyünü qoruyur, müdafiə edir. Erməni əsgərinin bizim torpağımızda nə işi var? Ermənistan ordusunun bizim torpağımızda nə işi var?”

27 Sent 2020
Siyasət

Dağlıq Qarabağın azərbaycanlı icması Ermənistanın təxtibatı ilə bağlı bəyanat yaydı

Azərbaycan Respublikasının Dağlıq Qarabağ bölgəsinin azərbaycanlı icması Ermənistanın cəbhə xətti boyu etdiyi sonuncu hücumlarla bağlı bəyanat yayıb.