“Apple” korporasiyasının qurucusu Stiv Cobs 9 yanvar 2007-ci il tarixində Kaliforniyada “iPhone” smartfonunun ilk modelini təqdim edib.
“ICTnews” Elektron Xəbər Xidməti “gazeta.ru” saytına istinadən yazır ki, “Apple” şirkətinin sabiq direktoru stilusla idarəetmə tələb etməyən böyük sensor ekran, rahat brauzer və musiqi pleyerini sözügedən qurğunun əsas özəlliyi adlandırmışdı. Cobs cihazı "üçü birində" kimi təsvir etmişdi: internetə çıxış, telefon və “iPod”.
İlk “iPhone” modelinin xüsusiyyətləri indikilərlə müqayisədə zəif olub. Daxili yaddaşın tutumu 4 QB, əməli yaddaş isə 128 MB təşkil edib. Smartfon 2 meqapiksellik kamera ilə təchiz edilmiş, ekranın diaqonalı isə 3.5 düymə bərabər olub.
İndiyədək ilk “iPhone” modelinin 6 milyondan çox nüsxəsi satılıb. “Apple” şirkəti 2010-cu ilin yayında bu smartfonun istehsalını dayandırıb.
“WhatsApp” istifadəçilərinə naməlum nömrələrdən tətbiqin bloklanmasına səbəb olan ismarıclar gəlməyə başlayıb.
Davamlı olaraq açıq olan “bluetooth” smartfonun batareyasını daha sürətlə tükətməkdən əlavə, qadjetin yaddaşında saxlanılan şəxsi məlumatların hakerlərin əlinə keçməsinə şərait yaradır.
