“iOS” üçün “Onion” anonim brauzeri pulsuz istifadəyə verilib

“iOS” üçün “Onion” anonim brauzeri pulsuz istifadəyə verilib
18 2017 17:14

“App Store” əlavələr mağazasında təhlükəsizlik imkanları genişləndirilmiş unikal brauzer pulsuz istifadəyə verilib. “Onion Browser” adlanan proqram “iPhone”,  “iPod touch” və “iPad” istifadəçilərinə internetə yüksək anonimlik dərəcəsində daxil olmağa imkan verir.

“ICTnews” Elektron Xəbər Xidməti “Macdigger” resursuna istinadən yazır ki, “Onion Browser” ABŞ Hərbi Dəniz Qüvvələrinin tədqiqat laboratoriyasında hazırlanan məhdud profilli “The Onion Router” (TOR) şəbəkəsi vasitəsilə trafikin şifrlənməsi və yüklənilməsi üçün nəzərdə tutulub. “TOR” trafiki xüsusi serverlər şəbəkəsi ilə göndərir ki, bu da son istifadəçiyə anonim qalmağa imkan verir.

Proqram tərtibatçısı Mayk Tiqas bloqunda əvvəllər qiyməti 99 sent təşkil edən əlavəni bu gün söz azadlığının, şəxsi toxunulmazlıq hüququnun və rəqəmli təhlükəsizliyin dəstəklənməsinin daha vacib olması üçün pulsuz etməsini yazıb.

M.Tiqasın sözlərinə görə, o, əvvəlcə əlavəni 100 dollar məbləğində illik “Apple Developer” üzvlük haqqını ödəmək üçün pullu edib, halbuki brauzerin son kodu həmişə açıq istifadədə olub. Bununla belə, 99 sentlik minimal qiymət istifadəçilər üçün maneçilik törədib.

“Onion Browser” texniki baxımdan “iOS 8.2” və daha yuxarı əməliyyat sisteminin idarəetməsi ilə işləyən “iPhone”, “iPad” və “iPod touch” qurğuları ilə uyğunluq təşkil edən “TOR” sistemi üçün internet brauzeridir. Proqram qurğu və IP ünvanı barədə məlumatları gizli saxlamaqla internetdə daha çox anonimlik əldə etmək istəyən istifadəçilər üçün faydalı olacaq. Mütəxəssislərin sözlərinə görə, brauzer şəbəkə trafikini etibarlı şəkildə şifrləyərək kənar provayderlər tərəfindən məlumatların baxılmasının qarşısını alır. 

Məlumat üçün qeyd edək ki, “Tor” kompüter şəbəkəsi vasitəsilə ikinci nəsil anonim məlumat mübadiləsi texnologiyasının həyata keçirilməsi üçün azad proqram təminatıdır. Sistem dinləmədən mühafizə edilən anonim şəbəkə bağlantısı qurmağa imkan verir, həmçinin məlumatların şifrlənmiş şəkildə ötürülməsini təqdim edən anonim şəbəkə hesab olunur. 

“iPhone “ və “iPad” üçün “Onion Browser” proqramını buradan yükləmək mümkündür.

4 Mar 2021
İT

“WhatsApp”dan şad xəbər: İstifadəçilər üçün çox vacib funksiya işə salınır

“WhatsApp” messencerinin kompüter versiyası üçün artıq səsli və video zənglər əlçatandır.

23 Fev 2021
İT

Qarabağın bərpasında “rəqəmsal nəslin” rolu

Uzun illər boyu regionların inkişafı və abadlaşdırılması sənayeləşmə və aqrar sektorun inkişafı ilə bağlı idi. Ötən yüzillik inkişaf istiqamətlərinin siyahısına xidmət sahəsini, xüsusilə turizm sektorunu da əlavə etdi. Bu üç istiqamət uzun müddətdir ki, regionların inkişaf etdirilməsində ideal vasitələr kimi qəbul olunurdu. Lakin, son illərdə müasir cəmiyyət rəqəmsal texnologiyaların təsiri altında sürətlə dəyişir və bu tamamilə yeni reallıqlar formalaşdırır. 

28 Yan 2021
İT

“WhatsApp”da yeni virus yayılır

Milyonlarla istifadəçisi olan “WhatsApp” messenceri vasitəsilə yeni virus yayılır.

9 Okt 2020
İT

Smartfonun köməyi ilə distant şəkildə kompyuteri yandırıb-söndürməyin yolları açıqlandı

Smartfonun köməyi ilə uzaqdan, distant şəkildə kompyuteri açmaq və söndürmək mümkündür. Bunun müxtəlif yolları var.

10 Sent 2020
İT

“WhatsApp”a tətbiqi bloklayan mesajlar gəlməyə başlayıb - XƏBƏRDARLIQ

“WhatsApp” istifadəçilərinə naməlum nömrələrdən tətbiqin bloklanmasına səbəb olan ismarıclar gəlməyə başlayıb.