Çempionlar Liqasında 1/4 final mərhələsinə start verilib.
Oxu.Az-ın məlumatına görə, İspaniyanın “Barselona” klubu səfərdə İtaliyanın “Yuventus” komandasının qonağı olub.
Matç italiyalıların 3:0 hesablı qələbəsi ilə yekunlaşıb.
Meydan sahiblərinin heyətində Dibala dubla imza atıb. Argentinalı futbolçu 7 və 22-ci dəqiqələrdə fərqlənib. Kataloniyalıların qapısından üçüncü topu isə müdafiəçi Corcio Kyellini keçirib.
Cavab qarşılaşması aprelin 19-da keçiriləcək.
Xatırladaq ki, “Barselona” 1/8 final mərhələsinin ilk oyununda Fransanın PSJ komandasına 4:0 hesabı ilə uduzmuşdu. Lakin cavab qarşılaşmasında Luis Enrikenin yetirmələri rəqibini 6:1 hesabı ilə məğlub edərək növbəti mərhələyə adlamışdılar.
İndi çoxlarını bir sual maraqlandırır: “Barselona” bu uğuru bir daha təkrarlaya biləcəkmi?
Daha üç azərbaycanlı idmançı 2024-cü ildə Parisdə keçiriləcək Yay Paralimpiya Oyunlarına lisenziya qazanıb.
Azərbaycan gimnastları Portuqaliyanın Santarem şəhərində keçirilən batut gimnastikası, ikili mini-batut və tamblinq üzrə "Scalabis Cup" adlı beynəlxalq yarışda 6 qızıl, 1 gümüş və 1 bürünc medal qazanıblar.
Bu gün 20 yaşadək basketbolçu oğlanlar arasında Avropa çempionatının B divizionunda mübarizəyə start veriləcək.
