Azərbaycan Dillər Universitetində (ADU) Azərbaycan Yazıçılar və Jurnalistlər birliklərinin üzvü, türk xalqlarının Dünya Konqresinin prezidenti, yazıçı, professor Yəhya Caniyarın Azərbaycanın Milli Qəhrəmanı Mübariz İbrahimovun şücaətindən bəhs edən “Turan Mübarizi” kitabının təqdimat mərasimi keçirilib.
ADU-dan AZƏRTAC-a bildirilib ki, universitetin tərbiyə işləri üzrə prorektoru, professor Ələddin Əliyev M.İbrahimovun türk xalqlarının qəhrəmanlığını bütün dünyaya sübut etdiyini bildirib, onun həyatını işıqlandırmağın böyük şücaət olduğunu qeyd edib.
M.İbrahimovun xalqımızın igidlik nümunəsi olduğunu söyləyən ADU-nun pedaqoji fakültəsinin dekanı, professor Fikrət Cahangirov onun timsalında xalqımızın məğlubedilməz qəhrəmanlığından söz açıb.
Milli Məclisin deputatı Fərəc Quliyev “Turan Mübarizi” kitabının dünya xalqlarına Azərbaycanın vətənpərvərliyini, igidliyini bir daha sübut edəcəyini söyləyib.
Digər çıxış edənlər də kitab haqqında təəssüratlarını bölüşüblər.
Tədbir çərçivəsində professor Y.Caniyarın həyatı haqqında ADU TV tərəfindən hazırlanmış sənədli film nümayiş olunub.
Sonda Y.Caniyar tədbirin təşkilinə görə universitet rəhbərliyinə dərin minnətdarlığını bildirib. O, “Turan Mübarizi” kitabının ərsəyə gəlməsində M.İbrahimov kimi vətənpərvərlik ruhunda böyüyən qəhrəmanlarımızın, həmçinin xalqımızın müxtəlif tarixi dövrlərdə üzləşdiyi faciələrin böyük rolu olduğunu söyləyib.
Dini Qurumlarla İş üzrə Dövlət Komitəsi yanında İctimai Şuranın üzvləri Bakıda yerləşən Müqəddəs Məryəm Katolik Kilsəsini ziyarət edib, dini icmanın fəaliyyəti ilə tanış olublar.
Bu ilin yanvar-may aylarında Azərbaycanda hava nəqliyyatı ilə 1 milyon 495 min 500 sərnişin daşınıb.
Azərbaycanın işğaldan azad edilmiş ərazilərində məsələlərin mərkəzləşdirilmiş qaydada həlli ilə bağlı yaradılmış Əlaqələndirmə Qərargahının İdarələrarası Mərkəzinin nəzdində fəaliyyət göstərən Minalardan və partlamamış hərbi sursatlardan təmizləmə üzrə İşçi qrupun növbəti iclası Xankəndi şəhərində baş tutub.
