“The Jewish Journal” nəşri Azərbaycanda və ABŞ-da birinci xanımların nümunəvi rolundan yazır

“The Jewish Journal” nəşri Azərbaycanda və ABŞ-da birinci xanımların nümunəvi rolundan yazır
12 2017 11:27

Amerikada çıxan “The Jewish Journal” nəşrində Xocalı qırğınının canlı şahidi Dürdanə Ağayevanın məqaləsi dərc edilib. Materialda Azərbaycanda və ABŞ-da birinci xanımların nümunəvi rolunun əhəmiyyətindən bəhs olunur.

Müəllif yazır ki, aparıcı vəzifələr tutan qadınlar Azərbaycan cəmiyyətinin güclü və mühüm tərkib hissəsidir. Azərbaycanda qadınlara seçki hüququ 1919-cu ildə, yəni ABŞ-da qadınların analoji hüquq əldə etməsindən bir il əvvəl verilib. Hazırda sağlam cəmiyyət geniş əhatəliliyi və milli birliyi dəstəkləyən liderlərin fəaliyyətinə arxalanır. Azərbaycanın birinci xanımı Mehriban Əliyeva bu fəaliyyətdə xüsusi rol oynayır. Birinci xanım 2004-cü ildən Heydər Əliyev Fondunun prezidenti vəzifəsində çalışır. Azərbaycan xalqının Ümummilli Lideri, müasir Azərbaycanın banisi Heydər Əliyevin adını daşıyan Fondun fəaliyyəti ölkənin iqtisadi, mədəni və sosial inkişafının təmin edilməsinə yönəlib. Fəaliyyətin əsas istiqamətlərindən biri uşaqların həyat şəraitini yaxşılaşdırmaqdır.

Son səkkiz ildə Birləşmiş Ştatların birinci xanımı olmuş, artıq bu vəzifəni tərk etməyə hazırlaşan Mişel Obama da analoji fəaliyyətlə məşğul olub. Mişel Obamanın proqramının hədəflərindən biri yaşından asılı olmayaraq bütün uşaqlar üçün bədən tərbiyəsi məşğələləri və səmərəli qidalanma imkanını təşviq etmək idi.

Heydər Əliyev Fondu ölkənin birinci xanımı Mehriban Əliyevanın rəhbərliyi ilə məktəblər, uşaq bağçaları, xəstəxanalar, klinika və muzeylər üçün binalar tikib və ya bərpa edib. Birinci xanım həm də qadınların və əlil uşaqların problemlərinin həllinə yönəlmiş proqramlar üzərində işləyib. UNESCO və ISESCO-nun xoşməramlı səfiri kimi Mehriban Əliyeva Fondun Azərbaycan hüdudlarından kənarda, xüsusən təhsil sahəsində fəaliyyətini genişləndirib. Gürcüstan, Misir, Rumıniya, Rusiya, Hollandiya və Pakistanda məktəblər inşa edilib və bərpa olunub.

Müəllif yazır ki, Heydər Əliyev Fondu görmə qabiliyyəti zədələnmiş uşaqlar üçün Sarayevoda yerləşən, Balkanlarda müharibədən sonra dağıdılmış mərkəzi də bərpa edib. Azərbaycanda yəhudi məktəbinin tikilməsi, Vatikanda katakombaların, Azərbaycan, Bolqarıstan, Fransa, Rusiya və digər ölkələrdə çoxsaylı kilsələrin bərpası qədim dinlərarası tolerantlıq ənənələrinin nümunəsidir.


29 May 2024
Siyasət

Kanada parlamentində Azərbaycanın 28 May - Müstəqillik Günü qeyd olunub

Azərbaycanın Müstəqillik Günü münasibətilə Kanada parlamentində "Vətən" Azərbaycan İncəsənət və Mədəniyyət Mərkəzinin və Ottavadakı "Qarabağ" Azərbaycan dili məktəbinin təsisçisi Nigar Əliyevanın birgə təşkilatçılığı ilə bayram tədbiri keçirilib.

28 May 2024
Siyasət

Kamaləddin Qafarov: “Azərbaycan bu gün Cənubi Qafqazda sülhün əsas qarantıdır”

“ Ölkəmiz Şərqin ilk demokratik dövləti olan Azərbaycan Xalq Cümhuriyyəti (AXC) yaranmasının 106-cı ildönümünü qeyd edir. 1918-ci il may ayının 28-də istiqlaliyyətini elan edən Cümhuriyyət şanlı dövlətçilik tariximizi müstəsna dərəcədə zənginləşdirmişdir. Azərbaycan Xalq Cümhuriyyətinin yaranması, milli dövlətçiliyin bərpası, Azərbaycanın müstəqilliyi uğrunda mübarizənin başlanması düşmənlərin planlarını pozmuş oldu. May ayının 28-də Azərbaycan Xalq Cümhuriyyətinin qəbul etdiyi Konstitusiya aktı statusuna malik olan ilk hüquqi sənəd – İstiqlal Bəyannaməsində müstəqil Azərbaycan dövlətinin yarandığı bəyan olundu, onun hakimiyyətinin şamil edildiyi ərazinin hüdudları müəyyənləşdirildi və dövlətin əsas fəaliyyət prinsipləri öz əksini tapdı.”

27 May 2024
Siyasət

Azərbaycanda seçicilərin sayı açıqlanıb

Azərbaycanda səsvermə hüququ olan 6 milyon 326 min 764 şəxs var.

27 May 2024
Siyasət

İlham Əliyev və Mehriban Əliyeva "Crescent Mall" ticarət mərkəzinin açılışında iştirak ediblər

Azərbaycan Respublikasının Prezidenti İlham Əliyev və birinci xanım Mehriban Əliyeva mayın 27-də Bakıda “Crescent Bay” layihəsinin təqdimatı və “Crescent Mall” ticarət mərkəzinin açılışında iştirak ediblər.

27 May 2024
Siyasət

İlham Əliyevə təbrik məktubları gəlməkdə davam edir

Fələstin Dövlətinin Prezidenti, Fələstin Azadlıq Təşkilatı İcraiyyə Komitəsinin sədri Mahmud Abbas Azərbaycan Respublikasının Prezidenti İlham Əliyevə təbrik məktubu ünvanlayıb.