“Molla Nəsrəddin” jurnalı və ədəbi məktəbi alman elmi ictimaiyyətinin diqqətini bir daha cəlb etdi

“Molla Nəsrəddin” jurnalı və ədəbi məktəbi alman elmi ictimaiyyətinin diqqətini bir daha cəlb etdi
30 2017 09:54

Berlin Humboldt Universitetində keçirilən Azərbaycana dair növbəti tədbir “Molla Nəsrəddin” jurnalına və onun təmsil etdiyi ədəbi məktəbin tədqiqinə həsr olunmuşdu. 2010-cu ildən bəri həmin universitetdə fəaliyyət göstərən Azərbaycan tarixi kafedrasının təşkil etdiyi kollokviumda Halle Universitetindən xüsusi dəvət edilən professor Volker Adam sözügedən mövzuda geniş məruzə ilə çıxış edib. Sonra məruzə ətrafında müzakirələr aparılıb.

Məruzəçi diqqətini əsasən mollanəsrəddinçilik ədəbi cərəyanının Azərbaycan xalqının milli-mənəvi identifikasiyasının formalaşmasında oynadığı misilsiz rola yönəldib, eyni zamanda, sovet dövründəki tədqiqatlarda bu məsələnin sosializm ideologiyasına uyğun olaraq modifikasiyalara uğradığını bildirib.

Hər dövrün ab-havasına köklənməyə məcbur olan Azərbaycan ədəbiyyatşünaslığının hansı inkişaf mərhələləri keçdiyini çox dürüstlüklə analiz edən alim öz tədqiqat predmetinə nə qədər dərindən bələd olduğunu ortaya qoyub.

Məruzədə irəli sürülən tezislərə dair diskussiyalarda çıxış edən Mərkəzi Asiya İnstitutunun direktoru Inqeborq Baldauf, professorlar Eva-Maria Aux, Rasim Mirzəyev və başqaları iştirakçıların diqqətini mövzunun digər aspektlərinə də yönəldiblər.

Tədbirin sonunda elan olunub ki, Azərbaycan tarixi kafedrası bu ilin noyabrında Berlinin ən məşhur sərgi salonlarının birində “Molla Nəsrəddin” satirik jurnalının 111 illiyinə həsr olunmuş sərgi və elmi konfrans təşkil edəcək.

Qeyd edək ki, XX əsr Azərbaycan ədəbiyyatında son dərəcə mühüm yer tutan mollanəsrəddinçilik ədəbi cərəyanı haqqında bir neçə sanballı elmi araşdırmanın müəllifi olan Volker Adam həm də Halle Universiteti Elmi Kitabxanasının direktoru kimi uzun illərdən bəridir ki, respublikamızda işıq üzü görən minlərlə kitabın Almaniyaya gətirilməsini və universitet kitabxanası vasitəsilə onların bu ölkənin elmi ictimaiyyətinə çatdırılmasını təmin edib.


1 Mar 2024
Siyasət

Ceyhun Bayramov Antalyada Sergey Lavrovla görüşdü - YENİLƏNİB + FOTO

Azərbaycan Respublikasının xarici işlər naziri Ceyhun Bayramov Antalya Diplomatiya Forumu çərçivəsində Rusiya Federasiyasının xarici işlər naziri Sergey Lavrov ilə görüşüb.

1 Mar 2024
Siyasət

Ələt Azad İqtisadi Zonasının ərazisində karqo hava limanı inşa ediləcək

Almaniya Şərqi Biznes Assosiasiyasının təşkilatçılığı ilə Assosiasiyanın icraçı direktoru Maykl Harmsın rəhbərliyi altında aparıcı alman şirkətlərindən ibarət nümayəndə heyəti Ələt Azad İqtisadi Zonasını (ƏAİZ) ziyarət edib.

1 Mar 2024
Siyasət

Yaxın günlərdə Füzuli şəhərinə daha 139 ailə köçürüləcək - FOTO

Martın 1-də Qaçqınların və Məcburi Köçkünlərin İşləri üzrə Dövlət Komitəsində Füzuli şəhərinə növbəti mərhələdə köçürüləcək ailələr arasında püşkatma keçirilib.

1 Mar 2024
Siyasət

İlham Əliyevin Albaniyanın baş naziri ilə təkbətək görüşü olub - YENİLƏNİB + FOTO

Martın 1-də Azərbaycan Respublikasının Prezidenti İlham Əliyevin Albaniya Respublikasının Baş naziri Edi Rama ilə təkbətək görüşü olub.

1 Mar 2024
Siyasət

Ceyhun Bayramovun Antalyada Sergey Lavrovla görüşü başladı

Azərbaycan və Rusiya xarici işlər nazirlərinin görüşü keçirilir.