“Microsoft” şirkəti İnformasiya Texnologiyaları İnstitutu ilə əməkdaşlığı genişləndirir

“Microsoft” şirkəti İnformasiya Texnologiyaları İnstitutu ilə əməkdaşlığı genişləndirir
03 2017 10:41

“Microsoft” şirkəti Azərbaycan Milli Elmlər Akademiyasının (AMEA) İnformasiya Texnologiyaları İnstitutu (İTİ) ilə əməkdaşlığı genişləndirir.

İTİ-dən AZƏRTAC-a bildiriblər ki, bu barədə “Microsoft Azərbaycan” şirkətinin təhsil proqramları üzrə meneceri Emin Axundov institutun elmi şurasında çıxışı zamanı məlumat verib. İnstitut ilə əməkdaşlıq imkanlarından söz açan E.Axundov “Microsoft Azərbaycan” şirkətinin sertifikatlaşdırma mərkəzinin məhz İTİ-də təşkil edilməsinin məqsədəuyğun olduğunu söyləyib. Şirkətin sertifikat proqramları və onların üstünlüklərindən söz açan E.Axundov bütün məhsul və texnologiyalar üzrə sənaye sertifikatlaşdırmasının mümkünlüyünü, ali təhsil qurumlarında təhsil alan tələbələrə, akademik diplomla yanaşı, sənaye diplomunun da təqdim edilməsinin zəruriliyini söyləyib.

“Microsoft” şirkətinin təqdim etdiyi “Office” proqramının mütəmadi yeniləndiyini diqqətə çatdıran E.Axundov bu proqramın ən son məhsulları üzrə tədris vəsaitlərinin olduğunu, onların tərcümə edilərək elmi qurumların istifadəsinə verilməsinin vacibliyini vurğulayıb. Bildirilib ki, şirkət “Microsoft” institut əməkdaşlarına korporativ domen adı altında məhdudiyyətsiz e-poçt ünvanları, hər bir istifadəçiyə buludda online videokonfransların təşkil edilməsi və yazılışı üçün bir terabayt saxlanc, biznes-analitika üzrə 20-dən çox xidmət təqdim edir. İTİ də daxil olmaqla, AMEA-nın elmi təşkilatları şirkətin elm və təhsil qurumları üçün nəzərdə tutduğu endirimlərdən faydalana, bir çox məhsulları pulsuz əldə edə biləcək.

AMEA-nın akademik-katibi, institutun direktoru, akademik Rasim Əliquliyev “Microsoft” şirkəti ilə əməkdaşlıq əlaqələrinin genişləndirilməsini yüksək dəyərləndirib, bu məqsədlə işçi qrupun yaradılması və fəaliyyət planının hazırlanmasının önəmini vurğulayıb. Rəhbərlik etdiyi qurumun AMEA-nın İKT siyasətini həyata keçirdiyini qeyd edən alim “Microsoft Azərbaycan”ın sertifikat mərkəzinin bu institutda təşkil edilməsinin böyük əhəmiyyət daşıdığını bildirib.


4 Mar 2021
İT

“WhatsApp”dan şad xəbər: İstifadəçilər üçün çox vacib funksiya işə salınır

“WhatsApp” messencerinin kompüter versiyası üçün artıq səsli və video zənglər əlçatandır.

23 Fev 2021
İT

Qarabağın bərpasında “rəqəmsal nəslin” rolu

Uzun illər boyu regionların inkişafı və abadlaşdırılması sənayeləşmə və aqrar sektorun inkişafı ilə bağlı idi. Ötən yüzillik inkişaf istiqamətlərinin siyahısına xidmət sahəsini, xüsusilə turizm sektorunu da əlavə etdi. Bu üç istiqamət uzun müddətdir ki, regionların inkişaf etdirilməsində ideal vasitələr kimi qəbul olunurdu. Lakin, son illərdə müasir cəmiyyət rəqəmsal texnologiyaların təsiri altında sürətlə dəyişir və bu tamamilə yeni reallıqlar formalaşdırır. 

28 Yan 2021
İT

“WhatsApp”da yeni virus yayılır

Milyonlarla istifadəçisi olan “WhatsApp” messenceri vasitəsilə yeni virus yayılır.

9 Okt 2020
İT

Smartfonun köməyi ilə distant şəkildə kompyuteri yandırıb-söndürməyin yolları açıqlandı

Smartfonun köməyi ilə uzaqdan, distant şəkildə kompyuteri açmaq və söndürmək mümkündür. Bunun müxtəlif yolları var.

10 Sent 2020
İT

“WhatsApp”a tətbiqi bloklayan mesajlar gəlməyə başlayıb - XƏBƏRDARLIQ

“WhatsApp” istifadəçilərinə naməlum nömrələrdən tətbiqin bloklanmasına səbəb olan ismarıclar gəlməyə başlayıb.