“Google” şirkətinin rəsmisi elan edib ki, tezliklə “Gmail” elektron poçt xidməti məktublara bərkidilmiş “JavaScript” fayllarını bloklamağa başlayacaq. Beləliklə, ".js" fayl genişlənməsi qadağan edilmiş genişlənmələr siyahısına (".exe", ".msc" və ".bat") əlavə ediləcək. Yenilik aktivləşən kimi istifadəçilər öz məktublarına “JavaScript” fayllarını bərkidə bilməyəcəklər. Buna cəhd etdikdə ekranda həmin faylın bloklanması haqda xəbərdarlıq görsənəcək.
"Digər qadağan edilmiş fayl tipləri kimi “.js” fayl genişlənməsini də məktublara bərkitmək olmayacaq: bu halda xidmətdə xəbərdarlıq göstəriləcək" – “Google” şirkətinin saytında yazılıb.
“ICTnews” Elektron Xəbər Xidməti “4pda.ru” saytına istinadən yazır ki, bu qərar istifadəçilərin təhlükəsizliyi üçün nəzərdə tutulub. Bununla belə “JavaScript” faylı və ya istənilən başqa qadağan edilmiş sənədi göndərmək lazım olduğu halda “Google Drive” xidmətindən istifadə etmək tövsiyə olunur.
“Gmail” elektron poçt xidmətində “JavaScript” fayllarının bloklanması 13 fevral tarixindən aktiv olacaq.
Vatsapın rusiyalı istifadəçiləri messencerin iş keyfiyyətindən şikayətlənirlər.
Rusiya Baş Prokurorluğu Rabitə, İnformasiya Texnologiyaları və Kütləvi Kommunikasiyalara Nəzarət üzrə Federal Xidmətindən “Instagram”a məhdudiyyət qoyulmasını tələb edib.
Notbuk seçərkən çoxsaylı modellər arasında başını itirə bilərsən. Bu halda “Apple” brendi işimizi xeyli asanlaşdırır. Belə ki, bu şirkət kəmiyyətə deyil, keyfiyyətə üstünlük verir, buna görə də onun notbukları lakonikliyi və rahatlığı ilə seçilir.
