Azərbaycan Prezidenti yanında Gənclər Fondunun maliyyə və BANM TGT-nin dəstəyi ilə “Gələcəyə İnam” layihəsi çərçivəsində ilk tədbir keçirilib.
Trend-in məlumatına görə, tədbirdə Kəlbəcər rayon 14 saylı orta məktəbdə məcburi köçkün gəncləri və şagirdləri iştrak ediblər.
Giriş sözü ilə çıxış edən məktəbin direktoru Tahir Rəhimov qonaqları salamlayaraq tədbirin ilk olaraq burada keçirilməsindən məmnunluq duyduğunu bildirib. Daha sonra layihə rəhbəri Könül Mustafazadə çıxış edərək layihə haqqında məlumat verib. Bildirib ki, layihənin məqsədi öz sözünü demiş məcburi köçkün gənclərini tanıtmaq və onları məktəblilərlə bir araya gətirərək digər gəncləri onların simasında təhsilə,elmə və ictimai fəaliyyətə ruhlandırmaqdır.
Həmçinin tədbirdə Kəlbəcər rayon nümayəndəsi "Aşıq Şəmşir Mədəniyyət ocağı” İctimai Birliyinin sədr müavini Həbib Misirov, BMT nin Əhali Fondunun layihə əməkdaşı Xalisə Şahverdiyeva, Binəqədi rayonu 103 saylı tam orta məktəbin direktor müavini Sevda Alışova, Avrasiya Fondunun&Qafqaz Tədqiqat Resurs Mərkəzinin proqram direktoru Murad Nəsibbəyli, Strateji İnkişaf Komitəsinin Sədri, Beynəlxalq Əlaqələr üzrə müşavir Şəms Mustafayeva eləcə də bu il yüksək balla universitetə qəbul olmuş məcburi köçkün gəncləri çıxış edib.
Tədbirdə bir çox məktəblilərin maariflənməsi məqsədi ilə Kəlbəcər rayon19 saylı, Laçın rayonu 31 saylı, Şuşa rayonu 7 saylı, Laçın rayonu Binə ümumi məcburi köçkün məktəblərinin də müəllim heyəti və şagirdləri dəvət olunub.
Layihə çərçivəsində daha üç tədbirin şəhər və məcburi köçkün məktəblərində keçiriləcəyi nəzərdə tutulub.
Bakıda Heydər Əliyev Mərkəzində keçirilən Azərbaycan-Litva biznes forumu işini müzakirələrlə davam etdirib.
Azərbaycanın Türkiyədəki Səfirliyi tərəfindən Azərbaycanın Müstəqillik günü və Azərbaycan ilə Türkiyə arasında diplomatik əlaqələrin yaranmasının 30 illiyi münasibətilə “Azərbaycanı daha yaxından tanıyaq!” adlı yeni bir layihə başladılıb.
Azərbaycanda hərbi qulluqçular ildə bir dəfədən az olmayaraq icbari narkoloji müayinədən keçiriləcək.
