“Elektron hökumət” portalına daha bir xidmət əlavə edilib

“Elektron hökumət” portalına daha bir xidmət əlavə edilib
13 Dek 2016 16:00

“Elektron hökumət” portalına daha bir qurum qoşulmaqla öz xidmətini istifadəçilərin ixtiyarına verib.

Məlumat Hesablama Mərkəzindən Trend-ə verilən məlumata görə, Alternativ və Bərpa Olunan Enerji Mənbələri üzrə Dövlət Agentliyinin “Alternativ və bərpa olunan enerji mənbələri üzrə fəaliyyətə xüsusi icazənin verilməsi üçün müraciətin və sənədlərin qəbulu” adlı yeni elektron xidməti portala inteqrasiya edilib.

Xidmətdən istifadə edən hüquqi və ya fiziki şəxs elektron formada müraciət etməklə, fəaliyyətinə xüsusi icazə ala bilər. Xüsusi icazə alternativ enerji əsasında istehsal olunan bütün növ istilik və elektrik enerjisi, su enerjisi, külək enerjisi, günəş enerjisi, biokütlə enerjisi, geotermik enerji, gücü 50 kilovatdan 10 000 kilovata qədər olan kiçik su elektrik stansiyası, külək elektrik stansiyası əsasında enerji alınması üçün nəzərdə tutulan obyektlərin (qurğuların) layihələndirilməsi, tikintisi və istismarı ilə məşğul olmaq istəyən hüquqi və ya fiziki şəxslərə verilir.

Xidmət qeydiyyatlıdır və ondan istifadə etmək istəyən sahibkar elektron imza ilə portaldan qeydiyyatdan keçdikdə anketdə şəxs haqqında tələb olunan informasiyalar avtomatik qeyd edilir.

Müvafiq fəaliyyətə xüsusi icazə almaq istəyən hüquqi və ya fiziki şəxsin ərizəsi elektron imza ilə imzalanır.

Sonra isə müraciət edən şəxs aşağıda göstərilən sənədləri elektron formada yükləyərək quruma göndərir:

- “Ərizəçinin vergi orqanları tərəfindən uçota alınması haqqında müvafiq sənədin surəti”
- “Ərizədə qeyd olunan ərazi və ya obyekt (qurğu) üzrə ərizəçinin istifadə hüququnu (mülkiyyət, icarə, istifadə hüququ) təsdiq edən sənədin surəti”,
- “Ərizəçinin müvafiq işləri aparmaq üçün maddi-texniki bazaya və lisenziyalaşdırılması nəzərdə tutulan fəaliyyət növü üzrə mütəxəssislərin və işçi heyətinin müvafiq ixtisasa malik olmaları haqqında sənədin surəti”
- “Obyektin (qurğunun) tikiləcəyi ərazi ilə bağlı icra hakimiyyəti orqanının rəyi”
- “Layihə”


31 Yan 2022
İqtisadiyyat

Azərbaycandan pambıq ipliyinin ixracı üç dəfədən çox artıb

2021-ci il ərzində Azərbaycanın ixracı 22,2 mlrd. ABŞ dolları, qeyri-neft sektoru üzrə 2,7 mlrd. ABŞ dolları təşkil edib.

24 Yan 2022
İqtisadiyyat

Azərbaycanın qiymətli kağızlar bazarı 20% böyüyüb

2021-ci ildə Azərbaycanın qiymətli kağızlar bazarında 16 879,3 milyon manatlıq əməliyyat aparılıb.

22 Yan 2022
İqtisadiyyat

Manatın məzənnəsi ilə bağlı proqnoz AÇIQLANDI

Güman edirik ki, Azərbaycan manatın ABŞ dollarına qarşı 1 dollar/1,7 manat səviyyəsində olan sərt bağlılığını qoruyub saxlayacaq.

14 Yan 2022
İqtisadiyyat

Azərbaycan nefti ucuzlaşıb

Dünya bazarında “Azeri Light” (CIF) markalı neft ucuzlaşıb.

13 Yan 2022
İqtisadiyyat

"33 ölkənin adı keçən siyahıda Azərbaycan 18-ci yerdədir"

Azərbaycanın yerüstü su ehtiyatlarının 30 faizi ölkə ərazisində, 70 faizi isə qonşu ölkələrin ərazisində formalaşır.