“Cashback” xidmətinə qoşulanların sayı artır

“Cashback” xidmətinə qoşulanların sayı artır
15 2017 11:47

2017-ci il yanvarın 1-dən qüvvəyə minmiş “Nağdsız hesablaşmalar haqqında” Qanun ölkə iqtisadiyyatında şəffaflığın artırılması, maliyyə intizamının gücləndirilməsi və vergitutma bazasının genişləndirilməsi məqsədilə nağdsız əməliyyatların stimullaşdırılması və nağd əməliyyatların məhdudlaşdırılması istiqamətində ardıcıl işlər həyata keçirmək üçün güclü hüquqi bazanı təmin edir.

AZƏRTAC “vergiler.az” saytına istinadla bildirir ki, qanunun tətbiqindən irəli gələn bir sıra məsələlərin həlli ilə əlaqədar banklar nağdsız ödənişlərin stimullaşdırılması üçün müştərilərə müxtəlif bank məhsulları təqdim etməyə başlayıb. Nağdsız ödənişlərin stimullaşdırılmasına xidmət edən layihələrdən biri də “Cashback” xidmətidir. Azərbaycanın 10-a yaxın bankı ilə “Visa” və “MasterCard”ın birgə təşkil etdiyi bu xidmət növü bank kartları vasitəsilə nağdsız alış-verişi təmin edir.

Azərbaycanda “Cashback” xidmətinin tətbiqi 2-3 il əvvələ təsadüf etsə də, 2017-ci ildən bu xidmətə qoşulan bankların, eləcə də prosesdə iştirakçı olan partnyor şirkət və mağazaların sayı artmağa başlayıb.

Bu xidmət növü bank kartlarına sahib olan müştərilərin nağdsız qaydada alış-veriş etdikləri zaman xərclənmiş pulların bir hissəsinin onların kart hesabına geri qaytarılmasıdır. Xidmətdən istifadə edən müştərinin “Cashback” məbləği xüsusi hesabda toplanır. Bu, bir növ, nağdsız ödəniş zamanı xərclənmiş vəsaitin məbləğinə uyğun pul bonusunun toplanması deməkdir. Geri qaytarılan vəsaitin həcmi hər bankın özünün müəyyən etdiyi faiz dərəcəsinə uyğun təyin olunur. Həmin məbləğ xərclənmiş vəsaitin təxminən 12-15 faizinə bərabərdir.


31 Yan 2022
İqtisadiyyat

Azərbaycandan pambıq ipliyinin ixracı üç dəfədən çox artıb

2021-ci il ərzində Azərbaycanın ixracı 22,2 mlrd. ABŞ dolları, qeyri-neft sektoru üzrə 2,7 mlrd. ABŞ dolları təşkil edib.

24 Yan 2022
İqtisadiyyat

Azərbaycanın qiymətli kağızlar bazarı 20% böyüyüb

2021-ci ildə Azərbaycanın qiymətli kağızlar bazarında 16 879,3 milyon manatlıq əməliyyat aparılıb.

22 Yan 2022
İqtisadiyyat

Manatın məzənnəsi ilə bağlı proqnoz AÇIQLANDI

Güman edirik ki, Azərbaycan manatın ABŞ dollarına qarşı 1 dollar/1,7 manat səviyyəsində olan sərt bağlılığını qoruyub saxlayacaq.

14 Yan 2022
İqtisadiyyat

Azərbaycan nefti ucuzlaşıb

Dünya bazarında “Azeri Light” (CIF) markalı neft ucuzlaşıb.

13 Yan 2022
İqtisadiyyat

"33 ölkənin adı keçən siyahıda Azərbaycan 18-ci yerdədir"

Azərbaycanın yerüstü su ehtiyatlarının 30 faizi ölkə ərazisində, 70 faizi isə qonşu ölkələrin ərazisində formalaşır.