“Bakıda yayılan xəstəlik qrip deyil” - XƏBƏRDARLIQ

“Bakıda yayılan xəstəlik qrip deyil” - XƏBƏRDARLIQ
29 Dek 2016 15:36

Normalda 2-3 gün günə azalan xəstəlik həftələrlə keçmir

 

Son zamanlar ölkədə qrip, soyuqdəymə halları artıb. Bu xəstəlik özünü yüksək hərarət, titrətmə, boğaz ağrıları, zəiflik, öskürək, baş ağrısı ilə göstərir. Xəstəliyə yoluxanların çoxu həkim məsləhəti almadan öz bildikləri metodlarla sağalmağa can atırlar. Normalda 2-3 gün günə azalan xəstəlik həftələrlə keçmir.
 
Məsələ ilə bağlı Modern.az-a danışan tibb elmləri doktoru Adil Qeybulla bildirib ki, yayılan xəstəlik qrip deyil.
“Qrip dörd karantin infeksiyadan biridir. Bunlar vəba, taun, sarı qızdırma və qripdir. Qrip epidemiya şəklində yayılır, böyük bir arealı tutur. Qrip yayıldığı halda Ümumdünya Səhiyyə Təşkilatı bununla bağlı məlumat verir. Yuxarı tənəffüs yollarında parazitlik edən tənəffüs orqanları var. Bunlar soyuqdəymədə, immun sisteminin zəifləməsində fəallaşırlar və qripəbənzər əlamətlərlə yuxarı tənəffüs yollarının kəskin iltihabını törədirlər. Buna soyuqdəymə xəstəliyi və kəskin respirator xəstəlik deyilir. 
Bu gün əhali arasında yayılan kəskin respirator xəstəlikdir. Fəallaşmış  viruslar yoluxucu olur və insanlar bir-birini yoluxdurmağa başlayır. Fəallaşan virusun növündən asılı olaraq çox ağır keçir.  Ona görə də bu cür hallarda insanlar özlərini qorumalıdırlar. Maskada gəzməli, xəstələrlə təmasda olmamalı, xəstə adamların yataq rejiminə keçməsi təmin olunmalıdır. İctimai yerlərdə, əhalinin çox olduğu ərazilərdə maska ilə gəzmək məsləhətdir. Bizim insanlar biraz kompleks keçirir və bu məsələyə riayət eləmirlər. Bunun qarşısını almaq üçün geyim forması düzgün seçilməlidir, vitaminlərin qəbulu, qidaya diqqət edilməlidir. Bu məsələlər yerinə yetirilsə, yəqin ki, virusun bu şəkildə yayılmasının qarşısı alınar. Təəssüflər olsun ki, bu Azərbaycanda böyük bir arealı əhatə edib, xeyli adam bundan narahatdır, bunu da qrip adlandırırlar. Bu qrip deyil, amma qripdən geri qalmayan virus infeksiyasıdır”.
 
Həkimin sözlərinə görə, xəstəliyə yoluxan şəxs yataq rejiminə keçməlidir, çoxlu maye qəbul etməlidir, temperaturu salınmalıdır.
“Antibiotik qəbulu yalnız həkim nəzarətində olmalıdır. Ağırlaşma yoxdursa, antibiotik qəbulu məsləhət görülmür. Həkimə müraciət olunmalıdır və müəyyən təyinatlar verilməlidir. Ev şəraitində çoxlu maye qəbul etməklə, hərarətsalıcı vasitələrdən istifadə olunmaqla sağalmaq olar. Yataq rejimində ağırlaşma çox olmur. Əgər ağırlaşma olarsa mütləq şəkildə həkimə müraciət olunmalıdır”.


18 Okt 2021
Cəmiyyət

Yaponiya izləyicilərinə Azərbaycanın Müstəqilliyinin Bərpası Günündən bəhs edilib

Yaponiyanın tanınmış aparıcısı Kazuyasu İşidanın Youtube kanalındakı “Sərhədləri aşanlar 3.0” proqramında Azərbaycanın Müstəqilliyinin Bərpası Gününə həsr olunmuş xüsusi buraxılış yayımlanıb. 

18 Okt 2021
Cəmiyyət

Sərhədçiləri Xudafərinə çıxaran sızma əməliyyatı - İLK DƏFƏ + VİDEO

Baku TV-də yayımlanan “Qarabağ Xronikası” verilişinin 61-ci buraxılışı efirə gedib.

18 Okt 2021
Cəmiyyət

Baş nazir büdcə təsnifatı ilə bağlı qərar imzaladı

Nazilər Kabineti “Vahid büdcə təsnifatının təsdiq edilməsi barədə” 11 oktyabr 2018-ci il tarixli qərarında dəyişiklik edib.

18 Okt 2021
Cəmiyyət

“Qartal” ləqəbli xüsusi təyinatlının xanımı: “Beş nəfər irəli gedərək 78 ermənini məhv ediblər” - FOTO

“Sentyabrın 26-sı səhər saat 5-də evdən çıxdı, müharibənin ilk günlərindən ön cəbhədə olub. Fürsət olduqca zəng edib uşaqlarını soruşardı. İş barəsində çox sərt insan idi, bir kəlmə belə danışmazdı. Bir kəlmə uşaqlarını soruşardı, “hər şey yaxşıdı”, “narahat olmayın” deyib, sağollaşardı. Beş uşağın gözü hələ də yollarda qalıb, bəlkə ata gələr deyə...”