“Bakı Fond Birjası”nın rəhbərliyində dəyişiklik

“Bakı Fond Birjası”nın rəhbərliyində dəyişiklik
24 Dek 2016 09:30

"Bakı Fond Birjası" QSC-nin (BFB) Səhmdarlarının növbədənkənar Ümumi Yığıncağı keçirilib.

Trend-in məlumatına görə, ümumi yığıncaqda Fariz Əzizovun digər işə keçməsi ilə əlaqədər müraciətinə əsasən o BFB-nin İdarə Heyəti sədri vəzifəsindən azad olunub və qurumun İdarə Heyətinin sədri vəzifələrinin icraçısı BFB-nin İdarə Heyətinin sədr müavini Vüqar Faiq oğlu Namazov təyin olunub.

V.Namazov əmək fəaliyyətinə 2006-cı ildə “Bakı Fond Birjası” QSC-də başlayıb və birjada ticarətin təşkili, ticarət platformaları, listinq, depozitar, klirinq və hesablaşmalar, strateji planlama və idarəetmə sahəsində müxtəlif vəzifələrdə çalışıb. O, 2006-cı ildə BFB-nin Ticarət Departamentinin rəisi vəzifəsinə təyin olunub. 2012-ci ildə BFB-nin İdarə Heyətinin üzvü seçilib və Biznesin inkişafı üzrə direktor vəzifəsinə təyin olunub. 2013-cü ildə BFB-nin İdarə Heyətinin sədr müavini, Əməliyyat və İnformasiya texnologiyaları üzrə direktor vəzifəsinə təyin edilib. 2014-cü ildə Layihələrin İdarə Edilməsi İnstitutu (PMI) tərəfindən təqdim olunan Peşəkar Layihə Meneceri (PMP) sertifikatını əldə edib. Ailəlidir, 2 övladı var. Ailəlidir, 2 övladı var.

Tədbir zamanı həmçinin növbəti 2 il müddətinə “Bakı Fond Birjası” QSC-nin Müşahidə Şurasının üzvləri və sədri seçilib. Belə ki, “Azərbaycan Sənaye Bankı” ASC-nin İdarə Heyətinin üzvü, Maliyyə Departamentinin direktoru Sarvan Mikayılov, “Unibank” ASC-də Risklərin İdarə edilməsi üzrə direktor, İdarə Heyətinin üzvü və İdarə Heyəti sədrinin müavini vəzifələrində çalışan Asəf Hüseynov və “Borsa İstanbul A.Ş”-nin İdarə Heyəti sədrinin baş məsləhətçisi Serkan Karabacak Müşahidə Şurasının yeni üzvləri olaraq seçiliblər. Səhmdarların qərarına əsasən Fariz Əzizov “Bakı Fond Birjası” QSC-nin Müşahidə Şurasının yeni sədri seçilib. Ümumilikdə, BFB-nin Müşahidə Şurasının 7 üzvü vardır.

Yığıncaq zamanı “Bakı Fond Birjası” QSC-nin 2017-ci il üzrə büdcəsi müzakirəsi olunub və təsdiq edilib.


24 Yan 2022
İqtisadiyyat

Azərbaycanın qiymətli kağızlar bazarı 20% böyüyüb

2021-ci ildə Azərbaycanın qiymətli kağızlar bazarında 16 879,3 milyon manatlıq əməliyyat aparılıb.

22 Yan 2022
İqtisadiyyat

Manatın məzənnəsi ilə bağlı proqnoz AÇIQLANDI

Güman edirik ki, Azərbaycan manatın ABŞ dollarına qarşı 1 dollar/1,7 manat səviyyəsində olan sərt bağlılığını qoruyub saxlayacaq.

14 Yan 2022
İqtisadiyyat

Azərbaycan nefti ucuzlaşıb

Dünya bazarında “Azeri Light” (CIF) markalı neft ucuzlaşıb.

13 Yan 2022
İqtisadiyyat

"33 ölkənin adı keçən siyahıda Azərbaycan 18-ci yerdədir"

Azərbaycanın yerüstü su ehtiyatlarının 30 faizi ölkə ərazisində, 70 faizi isə qonşu ölkələrin ərazisində formalaşır. 

13 Yan 2022
İqtisadiyyat

Neftin qiyməti korreksiya çərçivəsində azalıb

Əvvəlki iki ticarət günü ərzində orta hesabla 5%-lik artımdan sonra neftin qiyməti korreksiya çərçivəsində azalıb.