“Apple AirPods” satışa çıxarılıb

“Apple AirPods” satışa çıxarılıb
14 Dek 2016 12:04

Sentyabrın əvvəlində “Apple” şirkəti "iPhone 7” və “iPhone 7 Plus” smartfonları ilə birlikdə simsiz “AirPods” qulaqcığını təqdim edib. Qulaqcıq oktyabrın sonlarında satışa çıxarılmalı olsa da, bu, naməlum səbəblərdən təxirə salınıb. Təsdiq olunmamış məlumatlara görə, “Apple” səsin adi simsiz qulaqcıqlarda olduğu kimi ardıcıl deyil, eyni anda iki qulaqcığa ötürülməsi problemi ilə üzləşib. Hər halda, “AirPods” qulaqcığının “Apple”ın rəsmi saytında satışa çıxarılmasına görə şirkətin artıq bütün problemləri həll etdiyini düşünmək olar.

“ICTnews” Elektron Xəbər Xidməti “4PDA” resursuna istinadən yazır ki, qulaqcıqda səsin intellektual səsləndirilməsi və stabil simsiz bağlantının dəstəklənməsi üçün yaradılan “Apple W1” prosessorundan istifadə olunur. “AirPods” qulaqda taxılmanı bildirən infraqırmızı sensorlarla təchiz edilib. Bundan başqa, qurğuda qulaqcığa iki dəfə toxunmaqla “Siri” səsli köməkçisini aktivləşdirməyə imkan verən quraşdırılmış akselerometr yer alıb, eləcə də hər bir qulaqcıq mikrofonla təchiz edilib. Həmçinin “AirPods” bütün “Apple” qurğuları ilə uyğunluq təşkil edir və onlar arasında avtomatik dəyişir.

Şirkət nümayəndələrinin sözlərinə görə, qulaqcığı bir dəfə enerji ilə doldurmaqla 5 saat istifadə etmək olar. Enerjinin doldurulması enerjisi 24 saat musiqini dinləməyə kifayət edən xüsusi birləşdirici stansiya vasitəsilə edilir. Qeyd edilməlidir ki, qulaqcıq birləşdirici stansiyanın qapağı açılandan dərhal sonra qurğuya qoşulur.

ABŞ və Rusiyada satışa çıxarılan “AirPods” qulaqcığının tədarükünə iki həftədən sonra başlamaq nəzərdə tutulur.

21 Fev 2020
İT

Azərbaycanda II Beynəlxalq “Kibertəhlükəsizlik həftəsi” keçiriləcək

Cari ilin 2-6 mart tarixlərində ölkəmizdə II Beynəlxalq “Kibertəhlükəsizlik həftəsi” keçiriləcək.

21 Fev 2020
İT

Alimlər superkondensatorun sıxlığını 10 dəfə artırıblar

Alimlər superkondensatorun sıxlığını 10 dəfə artırmağa nail olublar. İndi onların əsasında işləyən akkumulyatorlar elektrik avtomobilinin mühərrikini enerji ilə doldurmaq üçün kifayət qədər enerji saxlaya bilər. Bu haqda London Universitet Kolleci və Çin Elmlər Akademiyasının alimləri tərəfindən "Nature Energy" jurnalında dərc edilmiş araşdırmada deyilir.  

21 Fev 2020
İT

“Google Play”dən zəhlətökən reklama malik yüzlərlə tətbiq silinib

“Google” şirkəti “Google Play” proqramlar mağazasından istifadəçilərə zorla reklam təqdim edən təxminən 600 mobil tətbiqi silib. Ümumilikdə qaydanı pozan proqramlar 4,5 milyard dəfədən çox yüklənilib.

21 Fev 2020
İT

“Əşyaların interneti” üçün yeni çip 5000 dəfə daha az enerji sərf edir

Yeni ixtira sayəsində “Əşyaların interneti” qurğularına enerji doldurma blokları və ya böyük ölçülü akkumulyatorlar lazım olmayacaq.

21 Fev 2020
İT

“HTC” şirkəti gələcəyin qarışıq reallıq eynəyini nümayiş etdirib

Tayvanın “HTC” şirkəti yeni nəsil qarışıq reallıq eynəyi hazırlamaqla məşğuldur. Qurğunun ölçüləri artıq təqdim edilmiş “Vive Cosmos” virtual reallıq sistemi ilə müqayisədə kiçik, çəkisi isə yüngül olacaq. Şirkətin rəsmisi yeni eynəyin “5G” smartfonlara qoşula biləcəyini istisna etmir.