“ASAN kommunal” vətəndaşlara xidmət göstərməyə başlayıb

“ASAN kommunal” vətəndaşlara xidmət göstərməyə başlayıb
16 2017 13:38

“ASAN kommunal” vətəndaşlara xidmət göstərməyə başlayıb. Bununla əlaqədar jurnalistlərə açıqlamasında Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin sədr müavini Ülvi Mehdiyev xatırladıb ki, Prezident İlham Əliyevin ötən ilin mayında imzaladığı Fərmanla “ASAN kommunal” mərkəzlərinin yaradılması Vətəndaşlara Xidmət və Sosial İnnovasiyalar üzrə Dövlət Agentliyinə tapşırılmışdı. Qısa müddətdə “ASAN kommunal” xidmətinin yaradılması üçün aidiyyəti qurumlarla bir yerdə tədbirlər görüldü. Ötən ilin dekabrında dövlətimizin başçısının iştirakı ilə “ASAN kommunal” Mərkəzinin açılışı oldu və 2017-ci il yanvarın 15-dən etibarən Bakının Binəqədi, Nərimanov və Nəsimi rayonlarının vətəndaşları bu pilot layihədən istifadə etməyə başladılar. Ötən gün ərzində 54 sakin “ASAN kommunal”ın xidmətlərindən istifadə edib. “Azərsu”, “Azərişıq”, “Azəriqaz” 45 növ kommunal xidməti üzrə vətəndaşların müraciətlərinə baxırlar. Burada, həmçinin özəl sektor da vətəndaşlara xidmət göstərir. Belə ki, bank və sığorta xidmətləri bu mərkəzdə fəaliyyətdədir.

Sədr müavini diqqətə çatdırıb ki, kommunal xidmətlər təkcə kommunal ödənişlərindən ibarət deyil. Bu ödənişlər kommunal xidmətlərin bir hissəsidir və onlar ödəmə terminalları və internet vasitəsilə ödənilə bilər. Ötən il Prezident nağdsız ödənişlərlə bağlı Qanunu da təsdiq edib. Bu qanunun mahiyyəti ondan ibarətdir ki, bütün dövlət ödənişləri, rüsumlar, cərimələr, o cümlədən kommunal ödənişlər nağdsız qaydada ödənilməlidir. Bu məqsədlə yeni yaradılan xidmətdə “ASAN ödəniş” terminalları da fəaliyyət göstərir. Vətəndaşlar heç kimə yaxınlaşmadan bu terminallar vasitəsilə ödənişlərini edəcəklər.

“ASAN kommunal” ilk pilot layihə olaraq 1 saylı “ASAN xidmət” Mərkəzinin tərkibində fəaliyyətə başlayıb. Bundan sonra Bakı Dəmiryol Vağzalında və Xətai rayonunun Ukrayna dairəsi ərazisində “ASAN kommunal” mərkəzləri fəaliyyətə başlayacaq. Növbəti illərdə bu xidmət regionlarda da fəaliyyət göstərəcək. Bu il ərzində bütün Bakı sakinləri “ASAN kommunal” xidmətdən yararlana biləcəklər.


2 Dek 2022
Cəmiyyət

Dağlıq ərazilərdə qar yağıb

Ekologiya və Təbii Sərvətlər Nazirliyinin Milli Hidrometeorologiya Xidmətinin dekabrın 2-nə olan məlumatına əsasən ölkə ərazisində qeyri-sabit hava şəraiti davam edib, bəzi yerlərdə arabir yağış, dağlıq ərazilərdə qar yağıb.

2 Dek 2022
Cəmiyyət

Vilayət Eyvazovdan yeni TƏYİNAT

Daxili işlər naziri, general-polkovnik Vilayət Eyvazov Bakı Şəhər Baş Polis İdarəsinin rəisinə yeni köməkçi təyin edib.

2 Dek 2022
Cəmiyyət

Ceyhun Bayramovun Müqəddəs Taxt-Tacın xarici işlər üzrə dövlət katibi ilə görüşüb - YENİLƏNİB + FOTO

2 dekabr 2022-ci il tarixində xarici işlər naziri Ceyhun Bayramov Lodz şəhərində ATƏT Nazirlər Şurasının 29-cu iclasında iştirakı çərçivəsində Müqəddəs Taxt-Tacın xarici işlər üzrə dövlət katibi arxiyepiskop Pol Riçard Qallager ilə görüşüb. 

2 Dek 2022
Cəmiyyət

Ceyhun Bayramovun ATƏT Parlament Assambleyasının prezidenti ilə görüşüb - YENİLƏNİB + FOTO

2 dekabr 2022-ci il tarixində xarici işlər naziri Ceyhun Bayramov Lodz şəhərində ATƏT Nazirlər Şurasının 29-cu iclasında iştirakı çərçivəsində ATƏT Parlament Assambleyasının (PA) prezidenti Marqarita Sederfelt ilə görüşüb.

2 Dek 2022
Cəmiyyət

Fikrət Məmmədov Gürcüstanın ədliyyə nazirinə medal təqdim etdi - FOTO

Gürcüstanın ədliyyə naziri Rati Breqadze ölkələr arasında hüquq münasibətlərinin inkişafındakı xidmətlərinə görə “Azərbaycan Ədliyyəsinin 100 illiyi” yubiley medalı ilə təltif edilib.