Ümumrusiya Dövlət Televiziya və Radio Yayımı Şirkətinin (VQTRK) teleaparıcısı Vladimir Solovyov aprelin 11-də Vesti.FM kanalında “Pryamoy kontakt” verilişinin birbaşa efirində Bakı səfəri barədə danışıb. V.Solovyov Bakıda Azərbaycan Prezidenti İlham Əliyevlə görüşüb. AZƏRTAC “Vestnik Kavkaza” informasiya portalının bu barədə yazısının xülasəsini təqdim edir.
Vladimir Solovyov vurğulayıb ki, Bakıya səfərinin məqsədi məhz Prezidentlə görüşmək idi. Teleaparıcı deyib: “Dövlətlərin liderləri ilə söhbətlər həmişə çox maraqlıdır”.
O, Azərbaycanın paytaxtı barədə təəssüratlarını bölüşərək qeyd edib ki, Bakıda yollar qüsursuzdur. Paytaxtda geniş abadlıq-quruculuq işləri aparılır. Şəhər çox səliqəlidir. Bakıda bir neçə əsl memarlıq əsəri var. O cümlədən memar Zaha Hadidin layihəsi üzrə tikilmiş Heydər Əliyev Mərkəzi həqiqətən gözəldir.
Teleaparıcı Azərbaycana səfər etməyə çoxdan hazırlaşdığını deyib. O bildirib ki, Prezidentlə görüşümüz düz saat 10-da başladı. Prezident artıq iş yerində idi. O, fotoşəkillərdə olduğundan xeyli cavan görünür – ucaboylu, xoşrəftar. Söhbətimiz çox səmimi oldu. Mən bu söhbətə görə Prezidentə təşəkkür etmək istərdim. O, mənə çox gözəl təsir bağışladı. Mən gördüm ki, İlham Əliyev olduqca savadlı, yüksək təfəkkürlü siyasətçidir - əsl dövlət xadimidir.
Vladimir Solovyov vurğulayıb ki, söhbət zamanı onu ən çox heyrətləndirən İlham Əliyevin təmkinliliyi və pozitiv ovqatı olub. Mən gördüm ki, Azərbaycan Prezidenti hər bir məsələyə həssaslıqla yanaşır. Mən bunu Rusiya ilə tərəfdaşlıq münasibətləri barədə danışanda da hiss etdim. Biz Rusiya-Azərbaycan əlaqələrinin perspektivləri, həmçinin Dağlıq Qarabağ münaqişəsinin həlli yolları barədə xeyli söhbət etdik.
Ümumiyyətlə, aparıcının fikrincə Prezident İlham Əliyevlə söhbət etmək çox maraqlı idi. Vladimir Solovyov vurğulayıb: “Azərbaycan Prezidenti gözəl ailə başçısıdır. Onun çox ağıllı xanımı və yaxşı uşaqları var. O, dərin təfəkkürlü, savadlı, öz ölkəsi və atası qarşısında böyük məsuliyyət hiss edən dövlət xadimidir”.
Azərbaycan Avtomobil Yolları Dövlət Agentliyi Şəki şəhərində ümumi sahəsi 36,1 km olan mərkəzi küçələrin təmirinə start verib.
Ukraynanın Baş naziri Denis Şmıqal ölkəsinin Müstəqillik Günü münasibətilə Azərbaycan Respublikasının Baş naziri tərəfindən ona ünvanlanan təbrik məktubuna görə Əli Əsədova təşəkkür edib.
Fövqəladə Hallar Nazirliyinin Dövlət Yanğın Nəzarəti Xidməti işğaldan azad edilmiş ərazilərdə yanğın təhlükəsizliyinin təmin edilməsi istiqamətində silsilə maarifləndirmə tədbirləri keçirib.
Kənd təsərrüfatı naziri Məcnun Məmmədov Goranboy Dövlət Aqrar İnkişaf Mərkəzinin (DAİM) inzibati binasında Bakı və Gəncə şəhərlərindən, Beyləqan, Cəbrayıl, Füzuli, Masallı, Göygöl, Goranboy, Samux, Ucar, Tərtər və digər rayonlardan olan vətəndaşları qəbul edib.
Ekologiya və təbii sərvətlər naziri Muxtar Babayev BMT-nin Qaçqınlar üzrə Ali Komissarlığının Azərbaycandakı nümayəndəliyinin rəhbəri ilə Azərbaycanda keçiriləcək BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasına (COP29) hazırlığı müzakirə edib.
