Azərbaycan Prezidenti İlham Əliyevin təşəbbüsü ilə 2017-ci ilin ölkədə “İslam Həmrəyliyi İli” elan edilməsi təkcə qardaş Türkiyədə deyil, bütün müsəlman ölkələrində böyük rəğbətlə qarşılandı. Bu, dünyada sülhün qorunmasına xidmət edən nəcib və vacib təşəbbüsdür.
Türkiyənin daxili işlər nazirinin müavini Səbahəddin Öztürk AZƏRTAC-a müsahibəsində “İslam Həmrəyliyi İli” barədə fikirlərini bölüşərkən belə deyib. O qeyd edib ki, İslam bütün nəcib dəyərləri özündə cəmləşdirən dindir. Təəssüf ki, bəzi dairələrdə İslam dini haqqında məqsədli şəkildə yanlış təsəvvür yaratmağa çalışırlar. Bu yanlışlıqları aradan qaldırmaq üçün İslam aləminin həmrəyliyinə böyük ehtiyac var. Azərbaycan Prezidentinin 2017-ci ilin ölkədə “İslam Həmrəyliyi İli” elan olunması barədə qərarı hər bir müsəlman üçün önəm daşıyan məsələdir.
Ölkələrimiz arasında əlaqələrə toxunan nazir müavini qeyd edib ki, Azərbaycan–Türkiyə münasibətləri qarşılıqlı olaraq dostluğa, qardaşlığa, səmərəli əməkdaşlığa, inkişafa, tərəqqiyə bir nümunədir. Bu gün İslam dünyasının həmrəyliyə, mövcud təhlükələri dəf etmək üçün birliyə, uzaq hədəflər naminə əməkdaşlığa ehtiyacı var. Belə bir şəraitdə Prezident İlham Əliyevin təşəbbüsü tarixi əhəmiyyət daşıyır. Türkiyə və Azərbaycan bu təşəbbüsə müştərək yanaşma ortaya qoymaqla böyük nailiyyətlərə qapı açacaqlar.
Azərbaycan Avtomobil Yolları Dövlət Agentliyi Şəki şəhərində ümumi sahəsi 36,1 km olan mərkəzi küçələrin təmirinə start verib.
Ukraynanın Baş naziri Denis Şmıqal ölkəsinin Müstəqillik Günü münasibətilə Azərbaycan Respublikasının Baş naziri tərəfindən ona ünvanlanan təbrik məktubuna görə Əli Əsədova təşəkkür edib.
Fövqəladə Hallar Nazirliyinin Dövlət Yanğın Nəzarəti Xidməti işğaldan azad edilmiş ərazilərdə yanğın təhlükəsizliyinin təmin edilməsi istiqamətində silsilə maarifləndirmə tədbirləri keçirib.
Kənd təsərrüfatı naziri Məcnun Məmmədov Goranboy Dövlət Aqrar İnkişaf Mərkəzinin (DAİM) inzibati binasında Bakı və Gəncə şəhərlərindən, Beyləqan, Cəbrayıl, Füzuli, Masallı, Göygöl, Goranboy, Samux, Ucar, Tərtər və digər rayonlardan olan vətəndaşları qəbul edib.
Ekologiya və təbii sərvətlər naziri Muxtar Babayev BMT-nin Qaçqınlar üzrə Ali Komissarlığının Azərbaycandakı nümayəndəliyinin rəhbəri ilə Azərbaycanda keçiriləcək BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasına (COP29) hazırlığı müzakirə edib.
