Suxumi Dövlət Universitetinin professoru, tarix elmləri doktoru Quram Marxuliya “Ermənistan-Azərbaycan Sülh Platforması”na qoşulub.
Bu barədə AZƏRTAC-a “Ermənistan-Azərbaycan Sülh Platforması”nın mətbuat xidmətindən məlumat veriblər.
O, bununla bağlı bəyanatında bildirib ki, Ermənistan-Azərbaycan, Dağlıq Qarabağ münaqişəsinin hər iki dövlətin ərazi bütövlüyü və suverenliyi, həmçinin beynəlxalq səviyyədə tanınmış sərhədləri nəzərə alınmaqla sülh yolu ilə həlli vacibdir. Bəyanatda deyilir: “Eləcə də “BMT Təhlükəsizlik Şurasının qəbul etdiyi müvafiq qətnamələrin yerinə yetirilməsinin vacib olduğunu vurğulamaq istəyirəm. ATƏT Minsk qrupunun münaqişənin sülh yolu ilə həlli istiqamətində fəaliyyətinin vacibliyini anlayıram”.
Xalqların birgə yaşayışını və 25 ildən çox davam edən münaqişənin həllini dəstəklədiyini qeyd edən Quram Marxuliya bildirib: “Yuxarıda göstərilən səbəblərə görə, əsas məqsədi Ermənistan-Azərbaycan, Dağlıq Qarabağ münaqişəsinin həllinə töhfə vermək olan “Ermənistan-Azərbaycan Sülh Platforması”na qoşulduğumu bəyan edirəm”.
Azərbaycan Avtomobil Yolları Dövlət Agentliyi Şəki şəhərində ümumi sahəsi 36,1 km olan mərkəzi küçələrin təmirinə start verib.
Ukraynanın Baş naziri Denis Şmıqal ölkəsinin Müstəqillik Günü münasibətilə Azərbaycan Respublikasının Baş naziri tərəfindən ona ünvanlanan təbrik məktubuna görə Əli Əsədova təşəkkür edib.
Fövqəladə Hallar Nazirliyinin Dövlət Yanğın Nəzarəti Xidməti işğaldan azad edilmiş ərazilərdə yanğın təhlükəsizliyinin təmin edilməsi istiqamətində silsilə maarifləndirmə tədbirləri keçirib.
Kənd təsərrüfatı naziri Məcnun Məmmədov Goranboy Dövlət Aqrar İnkişaf Mərkəzinin (DAİM) inzibati binasında Bakı və Gəncə şəhərlərindən, Beyləqan, Cəbrayıl, Füzuli, Masallı, Göygöl, Goranboy, Samux, Ucar, Tərtər və digər rayonlardan olan vətəndaşları qəbul edib.
Ekologiya və təbii sərvətlər naziri Muxtar Babayev BMT-nin Qaçqınlar üzrə Ali Komissarlığının Azərbaycandakı nümayəndəliyinin rəhbəri ilə Azərbaycanda keçiriləcək BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasına (COP29) hazırlığı müzakirə edib.