“Oxfam” humanitar təşkilatı Davos forumu ərəfəsində dünya üzrə varlı və kasıb insanlar arasındakı fərqi hesablayıb.
REALPRESS.Az AZƏRTAC-a istinadən xəbər verir ki, kasıblıqla mübarizə aparan təşkilatın məruzəsinə əsasən, dünyanın ən varlı 8 adamı 3,6 milyard insanının kapitalına bərabər varidata malikdir.
Planetin ən varlı insanları siyahısına “Microsoft” kompaniyasının banisi Bill Qeyts başçılıq edir. “Forbes” jurnalının məlumatına görə, onun varidatı 75 milyard dollara çatır.
Məruzədə, həmçinin “Facebook” sosial şəbəkəsinin banisi Mark Sukerberqin (44,6 milyard dollar), investor Uorren Baffetin (60,8 milyard dollar), Nyu-Yorkun sabiq meri və media maqnatı Maykl Blumberqin (40 milyard dollar), “Amazon” kompaniyasının banisi Ceff Bezosun (45,2 milyard dollar), meksikalı biznesmen Karlos Slimin (50 milyard dollar), “Oracle” transmilli korporasiyasının qurucularından biri olan Larri Elisonun (43,6 milyard dollar), həmçinin “Zara” mağazalar şəbəkəsinin banisi ispaniyalı Amansio Orteqanın (67 milyard dollar) adları var.
Tədqiqatçılar ədviyyatların qanda qlükoza və xolesterol səviyyələrini tənzimləməkdə mühüm rol oynadığını aşkar ediblər.
Günəşdəki güclü partlayışlar Yerdə gözlənilməz maqnit qasırğasına səbəb olub.
Avstraliya və Çilidən olan bir qrup elm adamı Çilidəki Atakama səhrasında teleskopların köməyilə apardıqları müşahidələr nəticəsində "J0529-4351" adlı son dərəcə parlaq və kütləvi kvazar ( Kvazi ulduzlar və ya kvazarlar-müşahidə olunan kainatın ən parlaq obyektləridir ) haqqında təəccüblü təfərrüat aşkarlayıblar.