Azərbaycan hökuməti və yerli diaspor müharibə başlayandan bəri Ukraynaya əvəzsiz yardımlar göstərib.
“Report” xəbər verir ki, bunu Ukrayna ordusunun zabiti, azərbaycanlı Murad Nəsirov “Diaspora TV”də jurnalist Həmid Həmidovla söhbətində deyib.
Onun sözlərinə görə, müharibənin əvvəlində diaspor Azərbaycan vətəndaşlarının Ukraynadan çıxarılması üçün ayrıca qatar təşkil edib, ancaq ukraynalılar da bu qatardan istifadə edə bilərdilər: “Bu qatarın vəsaitini tamamilə Azərbaycan diasporu ödəyib və özünü ən yaxşı tərəfdən göstərdi”.
Ukraynalı zabit Azərbaycanın mütəmadi olaraq Ukraynaya humanitar yardım göndərdiyini də xatırladıb: “2022-ci ilin mart ayında biz SOCAR yanacaqdoldurma məntəqəsinə getdik. Mənim maşınımda həmişə Azərbaycan və Ukrayna bayraqları olub. Bizə dedilər ki, yanacaq doldurulma pulsuzdur. Yəni müharibə başlayanda SOCAR kömək edib, indi də edir. Təcili yardım maşınları, hərbçilər və könüllülər pulsuz yanacaq doldururlar”.
Azərbaycan Avtomobil Yolları Dövlət Agentliyi Şəki şəhərində ümumi sahəsi 36,1 km olan mərkəzi küçələrin təmirinə start verib.
Ukraynanın Baş naziri Denis Şmıqal ölkəsinin Müstəqillik Günü münasibətilə Azərbaycan Respublikasının Baş naziri tərəfindən ona ünvanlanan təbrik məktubuna görə Əli Əsədova təşəkkür edib.
Fövqəladə Hallar Nazirliyinin Dövlət Yanğın Nəzarəti Xidməti işğaldan azad edilmiş ərazilərdə yanğın təhlükəsizliyinin təmin edilməsi istiqamətində silsilə maarifləndirmə tədbirləri keçirib.
Kənd təsərrüfatı naziri Məcnun Məmmədov Goranboy Dövlət Aqrar İnkişaf Mərkəzinin (DAİM) inzibati binasında Bakı və Gəncə şəhərlərindən, Beyləqan, Cəbrayıl, Füzuli, Masallı, Göygöl, Goranboy, Samux, Ucar, Tərtər və digər rayonlardan olan vətəndaşları qəbul edib.
Ekologiya və təbii sərvətlər naziri Muxtar Babayev BMT-nin Qaçqınlar üzrə Ali Komissarlığının Azərbaycandakı nümayəndəliyinin rəhbəri ilə Azərbaycanda keçiriləcək BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasına (COP29) hazırlığı müzakirə edib.
