Qazaxıstan səfirliyi Füzulidə Kurmanqazı adına Uşaq Yaradıcılığının İnkişafı Mərkəzinin tikintisinə məsul olan “BI Group” şirkətinin nümayəndələrini mükafatlandırıb.
“Report” səfirliyin mətbuat xidmətinə istinadən xəbər verir ki, tədbirdə Qazaxıstanın Azərbaycandakı səfiri Alim Bayel, “BI Group”un Beynəlxalq Layihələr Departamentinin direktoru Arman Lesbekov, layihə rəhbəri Daulet Janabilov, diplomatlar və digər qonaqlar iştirak ediblər.
Görüşdə səfir “BI Group”un əməkdaşlarına müvafiq nazirliyin fəxri fərmanlarını və təşəkkürnamələrini təqdim edib.
A.Bayel həmçinin yaradıcılıq mərkəzinin tikintisində komandanın işinin peşəkarlığına, keyfiyyətinə və səmərəliliyinə görə təşəkkürünü bildirib.
A.Lesbekov isə öz növbəsində “BI Group”un bu mühüm layihə üzərində çalışan zaman göstərilən hərtərəfli dəstəyə görə səfirliyə minnətdarlığını bildirib və hazırkı tikinti işlərinin gedişindən danışıb.
Qeyd edək ki, Uşaq Yaradıcılıq Mərkəzinin tikintisi Qazaxıstan Prezidenti Kasım-Jomart Tokayevin ötən il Azərbaycana səfəri zamanı verdiyi tapşırığa əsasən həyata keçirilir. Mərkəzin təməlqoyma mərasimi 2023-cü ilin martında baş tutub, onun tikintisinin bu ilin sonunadək başa çatdırılması planlaşdırılır.
Azərbaycan Avtomobil Yolları Dövlət Agentliyi Şəki şəhərində ümumi sahəsi 36,1 km olan mərkəzi küçələrin təmirinə start verib.
Ukraynanın Baş naziri Denis Şmıqal ölkəsinin Müstəqillik Günü münasibətilə Azərbaycan Respublikasının Baş naziri tərəfindən ona ünvanlanan təbrik məktubuna görə Əli Əsədova təşəkkür edib.
Fövqəladə Hallar Nazirliyinin Dövlət Yanğın Nəzarəti Xidməti işğaldan azad edilmiş ərazilərdə yanğın təhlükəsizliyinin təmin edilməsi istiqamətində silsilə maarifləndirmə tədbirləri keçirib.
Kənd təsərrüfatı naziri Məcnun Məmmədov Goranboy Dövlət Aqrar İnkişaf Mərkəzinin (DAİM) inzibati binasında Bakı və Gəncə şəhərlərindən, Beyləqan, Cəbrayıl, Füzuli, Masallı, Göygöl, Goranboy, Samux, Ucar, Tərtər və digər rayonlardan olan vətəndaşları qəbul edib.
Ekologiya və təbii sərvətlər naziri Muxtar Babayev BMT-nin Qaçqınlar üzrə Ali Komissarlığının Azərbaycandakı nümayəndəliyinin rəhbəri ilə Azərbaycanda keçiriləcək BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasına (COP29) hazırlığı müzakirə edib.
