SAĞLAM HƏYAT ÜÇÜN C VİTAMİNİ NƏ DƏRƏCƏDƏ ƏHƏMİYYƏTLİDİR!

SAĞLAM HƏYAT ÜÇÜN C VİTAMİNİ NƏ DƏRƏCƏDƏ ƏHƏMİYYƏTLİDİR!
22 İyul 2019 17:48

SAĞLAM HƏYAT ÜÇÜN C VİTAMİNİ NƏ DƏRƏCƏDƏ ƏHƏMİYYƏTLİDİR!

Vitaminlər insan orqanizmi üçün olduqca vacib birləşmələr olub, qidamızın zəruri hissəsidir. Vitaminlər içərisində xüsusi əhəmiyyətə malik olan biri də, C vitaminidir (askorbin turşusu).

C vitamininə olan təlabat. Askorbin turşusunun insana lazım olan gündəlik miqdarı digər vitaminlərlə müqayisədə daha yüksəkdir.

Cins

Körpələr 

Qadınlar

Kişilər

Yaş

6 ayadək

7-12 ay

1-3 yaş

4-8 yaş

9-13 yaş

14-18 yaş

19 yaş və daha çox

14-18 yaş

19 yaş və daha çox

C vitaminin gün-dəlik dozası mq-la

40

50

40

45

50

65

90

75

75

C vitaminin bioloji rolu. C vitamini insan orqanizmin normal fəaliyyəti üçün çox vacibdir. Ümumilikdə bu vitamin orqanizmdə gedən 300-dən artıq bioloji prosesdə iştirak edir: zülallar, yağlar, karbohidratların mübadilə proseslərini normallaşdırır; fol turşusu və dəmir mikroelementinin mübadiləsində iştirak edir; kalsium, dəmir kimi vacib mikroelementlərin mənimsənilməsinə kömək edir;  immun sistemi hüceyrələrinin  əmələ gəlməsini stimullaşdırır. Virus və xərçəng əleyhinə təsiri olan interferonların əmələ gəlməsində iştirak edir, immuniteti möhkəmləndirir. Orqanizmin infeksiyalar və allergenlərə qarşı davamlılığını artırır. Kollagen zülalının sintezində iştirak edir, yaraların tez sağalmasına kömək edir. Orqanizmi sərbəst radilkalların təsirindən qoruyur, qocalma proseslərini ləngidir. Qanda şəkərin səviyyəsini aşağı salır, xolesterinin səviyyəsini normallaşdırır, qanın qırmızı hüceyrələrin yaranmasını stimullaşdırır, qanın laxtalanma proseslərini tənzimləyir, damarların və kapilyarların divarlarını möhkəmləndirir. Müxtəlif xəstəliklərin profilaktikasına xidmət edir (ürək-damar, şiş xəstəlikləri və s.). Bir çox tədqiqatlar C vitaminin yoğun bağırsağın, qida borusunun, sidik kisəsinin, endometriumun və bəzi digər orqanların xərçəng xəstəliyinin  profilaktikasında böyük rol oynadığını sübut etmişdir.

C vitaminin çatışmazlığı. Orqanizmdə C vitaminin çatışmazlığı zamanı müəyyən pozulmalar meydana çıxır: əzələlərdə ağrılar, ümumi zəiflik, süstlük, damaqların qanaması, saçların tökülməsi, dərinin quru olması və qabıq verməsi və s. C vitaminin kəskin çatışmazlığı zamanı dişlərin tökülməsi, ürək nahiyəsində ağrılar, mədə və bağırsaqların fəaliyyətində pozulmalar əmələ gəlir.

C vitaminin çatışmazlığının müalicəsi. C vitaminin çatışmazlığı zamanı tərkibində bu maddə olan preparatlar, qida əlavələri və ya tərkibində C vitamini yüksək olan qidalar (itburnu, qara qarağat, çaytikanı, bolqar bibəri, kələm, pomidor, sitrus meyvələri (limon, portağal və s.), çiyələk, ispanaq, cəfəri, şüyüd, qoz və s) qəbul etmək lazımdır. İtburnu, qara qarağat, çaytikanı kimi giləmeyvələrin tərkibində sitrus meyvələri ilə müqayisədə C vitaminin miqdarı bir neçə dəfə çoxdur. Meyvə və tərəvəzləri mümkün qədər çiy vəziyyətdə istifadə etmək lazımdır.

Materialda əks olunmus məlumatlar müxtəlif qaynaqlardan, o cümlədən elmi-populyar məqalələr, internet materialları, rəsmi hesabatlar və s. əldə olunmuş, ümumiləşdirilmiş, tərcümə edilmiş və sistemləşdirilmişdir. Materiallardan istifadə olunduqda www.aptekonline.az saytına istinad olunma mütləqdir.

 


22 Avq 2019
Səhiyyə - Sağlamlıq

Qanda rezus faktoru gözlənilmədən dəyişə bilər

İnsan qanı təkcə qruplara (I, II, III və ya IV qan qrupu), eləcə də rezus faktoruna görə (müsbət və ya mənfi) təsnif olunur.

21 Avq 2019
Səhiyyə - Sağlamlıq

UŞAQLARDA RAST GƏLİNƏN QURD XƏSTƏLİKLƏRİ.

İnsan orqanizminə daxil olaraq orada yaşayan çoxsaylı parazit növləri mövcuddur. Qurd xəstəliyi istər böyüklərdə, istərsə də uşaqlarda rast gəlinən problemdir. Uşaqlar əsasən 3-12 yaşlarında bu xəstəliyə yoluxurlar.

21 Avq 2019
Səhiyyə - Sağlamlıq

Günvurmanın SİMPTOMLARI və YARDIM. Bunu hər kəs bilməlidir!

İsti havada günvurma halları artır. Günvurma çox ciddi pozulma sayılır ki, vaxtında lazım olan tədbirlər görülməzsə insan hətta həyatını itirə bilər.

21 Avq 2019
Səhiyyə - Sağlamlıq

Nurofen uşaq şamlarına qadağa qoyuldu - Tələblərə cavab vermir

Rusiya Səhiyyə Nazirliyinin rəsmi dərman preparatları reyestrində Nurofen uşaqlar üçün rektal şamların istifadəsinin dayandırlması barədə məlumat yerləşdirilib.

20 Avq 2019
Səhiyyə - Sağlamlıq

KİÇİK QURDUN BÖYÜK FƏSADLARI.

Müasir dövrdə insanların tez-tez rastlaşdığı xəstəliklərdən biridə qurd invaziyalarıdırr. İndiyə qədər insan orqanizmində xəstəlik törədən 250-yə qədər qurd növü aşkar edilmişdir. Onlardan 65-i ölkəmizdə qeydə alınmışdır. Ümumdünya Səhiyyə Təşkilatının məlumatına əsasən hər il dünya əhalisinin 50%- dən çoxu qurd xəstəliklərinə yoluxur. Yoluxmanın 70-80%-ni uşaqlar təşkil edir.