“XV Avropa Gənclər Yay Olimpiya Festivalı”nın nəqliyyat əməliyyatları planına uyğun olaraq ilk daşımalara başlanılıb.
Realpress.az Bakı Nəqliyyat Agentliyinə istinadən xəbər verir ki, iyulun 19-u səhər saatlarında paytaxtımıza gələn ispan atletlər Heydər Əliyev adına Beynəlxalq Hava Limanından Atletlər kəndinə gətirilib.
Qonaqların, atletlərin yarış və qeyri-yarış məkanlarına daşınmasına Neoplan avtobuslar və miniavtobuslar (Mercedes Sprinter) cəlb edilib.
Qeyd edək ki, iyulun 21-27-də Bakıda keçiriləcək Festivalda 48 ölkənin idmançıları 135 dəst medal uğrunda mübarizə aparacaqlar. Azərbaycan 122 idmançı ilə təmsil olunacaq. Qonaqların ümumi sayı isə 3900 nəfər təşkil edəcək.
Atletlər idmanın 10 növü - gimnastika, atletika, basketbol, velosiped idmanı, həndbol, cüdo, üzgüçülük, tennis, voleybol və güləş yarışlarında qüvvələrini sınayacaqlar. Festival zamanı 12 idman obyektində 2500-dən çox könüllü fəaliyyət göstərəcək.
Azərbaycan paraüzgüçüsü Raman Saley Portuqaliyanın Madeyra şəhərində keçirilən Avropa Açıq Çempionatında bürünc medal qazanıb.
Kişi şahmatçılar arasında keçirilən Azərbaycan çempionatına yekun vurulub.
Azərbaycan Boks Federasiyasının Mətbuat Xidmətindən Oxu.Az-a verilən məlumata görə, 63,5 kiloqram çəkidə mübarizə aparan yığma üzvü moldovalı Alexandru Parasçivlə qüvvəsini sınayıb.