Salyan rayonu müalicəvi isti suları və palçıq vulkanları ilə zəngindir.
Realpress.az xəbər verir ki, Babazənan dağında isti sular yerin təkindən qaynayaraq üzə çıxır.
Buraya gələn xəstələr 3-10 gün müddətində müalicəvi isti sulardan və palçıq vulkanlardan istifadə etməklə şəfa tapırlar.
Tarixi mənbələrə görə, görkəmli alman alimi, akademik Vilhelm German Abex 1860-cı ildə Salyanda olub. O, Salyan isti sularının Avropanın ən məşhur Karlovı Varı kurortunun suyunun tərkibi ilə eyni olduğunu bidirib.
İsti sular hərəkət-dayaq sistemlərindəki problemləri, radikulit, revmatizm, xüsusilə qadınlarda ginekoloji xəstəlikləri müalicə etmək üçün əvəzsizdir.
Yerli sakinlərlə yanaşı, ətraf bölgələrdən, hətta xarici ölkələrdən buraya üz tutan xəstələr çoxdur.
Məşhur “Şır-şır”, eləcə də “Ayranlı” bulaqlarının suyunun da özünəməxsus müalicəvi əhəmiyyəti var. “Şır-şır” bulağı dəri xəstəliklərinin, “Ayranlı” bulağı isə baş ağrılarının müalicəsində əvəzsizdir.
Mütəxəssislərin fikrincə, ərazidə sanatoriyalar yaradılarsa, burada insanlara həm normal xidmət göstərilər, həm də bölgədə turizm inkişaf edər.
Bu gün Füzuli şəhərinə köçən ailələrə mənzillərinin açarları təqdim olunub.
Bu gün Azərbaycan elminin, ədəbiyyatının, təhsilinin inkişafında misilsiz xidmətlər göstərmiş xeyirxah insan, görkəmli yazıçı, böyük alim Mir Cəlal Paşayevin anadan olmasından 116 il keçir.
