İsrail startapı elektromobillərin istehsalında yeni yanaşma təklif edib (VİDEO)

İsrail startapı elektromobillərin istehsalında yeni yanaşma təklif edib (VİDEO)
12 İyul 2019 16:13

İsrailin "REE" startapı elektromobillərin istehsalında yeni yanaşma təklif edib. Onun mahiyyəti adətən kopotun altında yerləşən bütün əsas komponentlərin təkər daxilində quraşdırılmasından ibarətdir. Bu, istehsalçılar üçün yeni imkanlar açacaq.
 
"ICTnews" Elektron Xəbər Xidməti "4PDA www.4pda.ru" resursuna istinadən yazır ki, "REE" şirkətinin baş direktoru Daniel Barel bildirib: "İndiyədək sahə nəqliyyat vasitələrinin ənənəvi dizaynının tədricən təkmilləşdirilməsi prinsipi üzrə fəaliyyət göstərib. Biz hesab edirik ki, avtomobil inqilabının sürətləndirilməsi üçün, sözün hərfi mənasında, təkəri yenidən icad etmək lazımdır".
 
Məlumata görə, "REE" şirkəti Kaliforniyada "TechCrunch Mobility 2019" tədbirində mebel avtomobil platformasını nümayiş etdirib. O, özündə bütün vacib elementləri birləşdirən dördtəkərli kiçik platformadır.
 
Startapın ideyası ondan ibarətdir ki, avtomobil istehsalçıları hazır platformadan istifadə etməklə istənilən tip elektromobil yarada bilsinlər. Bu, yeni modellərin buraxılış prosesini sadələşdirməyə və ucuzlaşdırmağa imkan verəcək.
 
"Avtomobil istehsalçıları daha çox platformanın hazırlanması və yoxlanılmasına pul xərcləyirlər. Buna milyardlarla dollar və uzun illər sərf olunur. Biz isə bir hazır variantdan istifadəni təklif edirik", – şirkətin baş direktoru vurğulayıb.
 
Yeni texnologiyanın kütləvi istehsalına nə vaxt başlanılacağı, eləcə də platformanın texniki xüsusiyyətləri barədə məlumat verilmir.

Realpress.az


17 İyul 2019
İT

2023-cü ilədək “5G” smartfonların payı 50%-i ötəcək

4 il sonra “5G” texnologiyasını dəstəkləyən smartfonların sayı belə mobil şəbəkələrə qoşula bilməyən qurğularla müqayisədə daha çox olacaq. “Gartner” analitik şirkəti belə proqnoz verib.

17 İyul 2019
İT

Bu il dünyada İT qurğularının tədarükü 3 faiz azalacaq

“Gartner” analitik şirkəti kompüter, planşet və mobil telefonlar bazarının tədqiqatı üzrə nəticələri dərc edib. Ekspertlərin gözləntisinə görə, 2019-cu ildə belə qurğuların tədarükü 2,2 milyard ədədə çataraq 2018-ci illə müqayisədə 3,3 faiz azalacaq.

17 İyul 2019
İT

Bill Qeyts milyarderlər siyahısında ilk dəfə üçüncü pilləyə enib

“Microsoft” korporasiyasının təsisçisi Bill Qeyts milyarderlər indeksinin yeddillik tarixində ilk dəfə üçüncü pilləyə enib. Bu barədə “Bloomberg” agentliyinin “Bloomberg Billionaires Index” (BBI) indeksində deyilir.

17 İyul 2019
İT

“5G” şəbəkəsini dəstəkləyən ilk “Vivo” smartfonu sertifikasiyadan keçib

Çinin “China Compulsory Certificate” sertifikasiya saytında “V1916A” markalı müəmmalı “Vivo” smartfonu haqqında informasiya dərc edilib. Müşahidəçilər bu marka altında beşinci nəsil mobil rabitə şəbəkəsini (5G) dəstəkləyən ilk “Vivo” qurğusunun gizləndiyini düşünürlər.

17 İyul 2019
İT

Portuqaliyada ilk superkompüter işə salınıb

Portuqaliyada “BoB” adlı ilk superkompüter rəsmən istifadəyə verilib. O, Mino Universiteti nəzdində Qabaqcıl Hesablamalar Mərkəzində (Minho Advanced Computer Center, MACC) yerləşir. Superkompüter “MACC” Mərkəzi kimi əsasən günəş, külək və su elektrik stansiyalarından alınan “yaşıl” enerji ilə işləyəcək.