“Bakının Qız qalası” əsəri Sotheby’s hərracında yüksək qiymətə satıldı

“Bakının Qız qalası” əsəri Sotheby’s hərracında yüksək qiymətə satıldı
05 İyun 2019 23:48


Alman rəssam Paul fon Frankenin “Bakının Qız qalası” əsəri Londonda Sotheby’s hərracında 225 min funt sterlinqə satılıb.

realpress.az-ın məlumatına görə, əsərin başlanğıc qiyməti 60 min funt sterlinq olsa da, əqd zamanı qiyməti 3,75 dəfə yüksəlib. Şəklin alıcısı naməlumdur.

Bu Azərbaycana həsr olunan və məşhur Sotheby’s hərracında satılan ilk lot deyil. Müxtəlif illərdə bu hərracda Azərbaycana aid xalılar, heykəlciklər və digər sənət əsərləri satılıb.

Alman rəssam Paul fon Franken Qafqazı tərənnüm edən rəssam kimi tanınır. Onun 1853-1862-ci illərdə Qafqaza səfəri bir çox rəngkarlıq əsərlərinin yaranması ilə nəticələnib.

Son romantiklər nəslinin nümayəndəsi olan Frankeni Yaxın Şərqin ekzotik gözəlliyi cəlb edirdi. Rəssam bu əsərdə tarixi dəqiqliyi əks etdirməyə özünə məqsəd qoymamışdı, Şərqin sirli atmosferini təsvir etməyə çalışmışdı. 

Əsirlər boyu əfsanə və nağılların baş qəhrəmanı olan Qız qalası rəssamın da marağını cəlb edib və o dəniz sahilindəki bu möhtəşəm gözəlliyi xəyal dünyasından süzərək, ay işığının fonunda təsvir edib.


9 Avq 2019
Mədəniyyət

"Bir ildir ki, hər gün ölüm haqqında düşünürəm" - 71 yaşlı Akif İslamzadə

Dünən Azərbaycanın əfsanəvi müğənnisi Akif İslamzadənin doğum günü idi.

8 Avq 2019
Mədəniyyət

Rasim Balayevin doğum günüdür - FOTOLAR

Xalq artisti və, bir çoxlarından fərqli olaraq, əsl XALQIN ARTİSTİ olan Rasim Balayevin bu gün doğum günüdür.

7 Avq 2019
Mədəniyyət

Milli Kitabxanada “Axundova Nərgiz – 60” adlı kitab sərgisi açılıb

Avqustun 7-də Azərbaycan Milli Kitabxanasında ölkəmizdə bütün sahələr üzrə azərbaycanşünaslığın inkişafı yollarında səy və bacarığını əsirgəməyən, Azərbaycan elminin inkişaf etdirilməsində çox böyük xidmətləri olan AMEA-nın həqiqi üzvü, AMEA İctimai Elmlər Bölməsinin akademik-katibi, tarix üzrə elmlər doktoru, professor Nərgiz Axundovanın anadan olmasının 60 illik yubileyi münasibətilə “Axundova Nərgiz – 60” adlı kitab sərgisi açılıb.

6 Avq 2019
Mədəniyyət

“Cəngi” etno-caz qrupu ölkəmizi “Dünya musiqiləri” adlı festivalda təmsil edəcək

Avqustun 10-11-də Rusiyanın Sankt-Peterburq şəhərinin Şeremetyevo sarayındakı Musiqi muzeyində 4-cü dəfə “Dünya musiqiləri” adlı etnik festival keçiriləcək. Festival XVIII əsrə aid unikal malikanənin ərazisində Moskva və Sankt-Peterburq şəhərləri, Rusiya Federasiyasının regionları və müxtəlif ölkələrdən ən yaxşı etno-musiqiçiləri bir araya gətirəcək. Tədbirin proqramı etno-rok, etno-caz və etno-elektronika janrlarını əhatə edir.