Uçan taksilər dünyanın müxtəlif iri şəhərlərində 2025-ci ilə kimi istismara veriləcək.
Bu haqda “Lilium” uçan aparatını istehsal edən şirkətin rəsmi nümayəndəsi Oliver Volker-Cons “RİA Novosti”yə verdiyi açıqlamada bildirib.
“2025-ci ildə dünyanın bir neçə şəhərində istismara start verməyi planlaşdırırıq. Habelə bəzi yaşayış məntəqələrində xidmət daha erkən işə salınacaq. Müxtəlif şəhər hökumətləri bizim layihəyə böyük maraq göstərir. Hələ ki, uçan taksi xidmətlərini harada göstərəcəyimizi müəyyənləşdirməmişik”, -deyə rəsmi nümayəndə bildirib.
O həmçinin bildirib ki, aerotaksi analoji məsafələrə sərnişindaşıma üzrə digər nəqliyyat vasitələrinə qiymətdə rəqabət yarada biləcək.
Bundan əvvəl Münhenin “Lilium” startap şirkəti uçan taksinin prototipinin uğurlu sınaqlarını gerçəkləşdirib. Aparat 36 elektrik reaktiv mühərriklə təchiz olunub. Bu uçan aparatın şaquli şəkildə qalxıb enməsinə imkan verir.
Beş oturacaqlı aerotaksinin sükanı, quyruq hissəsi və propellerləri yoxdur. “Lilium” 300 kilometrə qədər sürət yığa bilir, bir uçuşa maksimum 300 kilometr məsafəni qət edə bilir.
Introducing the Lilium Jet. The world’s first all-electric, jet-powered five-seater air taxi.
— Lilium (@Lilium) 16 May 2019
See the full film here: https://t.co/jy4BdyPNqV
Far away has #NeverBeenCloser pic.twitter.com/YDNjYU4FRO
Almaniyada işgüzar səfərdə olan Azərbaycan Prezidenti İlham Əliyev Kanslerin Aparatına gəlib.
Yaponiyanın Baş naziri Fumio Kişida mayın 1-dən 6-dək Fransa, Paraqvay və Braziliyaya səfər edəcək.