“Bu şəhərdə” konsertinə Sumqayıtda icazə verilmədi? - AÇIQLAMA

“Bu şəhərdə” konsertinə Sumqayıtda icazə verilmədi? - AÇIQLAMA
11 Fev 2019 13:23


“Bu şəhərdə”nin Sumqayıt şəhərində konsert keçirilməsinə icazə verilməyib. 

Bu barədə “Bu şəhərdə”nin prodüseri, ssenarist Müşfiq Abbasov Instaqram hesabında məlumat yerləşdirib.

Məlumatda qeyd olunub ki, Sumqayıt şəhər İcra Hakimiyyətinə konsertlə bağlı müraciət olunsa da, bu, nəticəsiz qalıb: 

“Mart ayında konsertlərimiz üçün İcra Hakimiyyətinə (başçı Zakir Fərəcov və müavini Teymur Səmədov) iki məktub ünvanlamışıq. Bizə məlum olmayan səbəbdən Sumqayıtda “Bu şəhərdə”nin konsertlərinin keçirilməsinə icazə verilmədi. “Bu şəhərdə” sizin şəhərdə olmayacaq”. 

realpress.az məsələ ilə bağlı Sumqayıt şəhər İcra Hakimiyyətinin mətbuat katibi Eyvaz Qocayevlə əlaqə saxlayıb. 

E.Qocayev qarşı tərəfin iddiası ilə razılaşmayıb:

“Bu şəhərdə” komandası ötən ilin mart ayında Sumqayıt səhnəsində olub. Həmin proqramında şəhər rəhbərliyi eləcə də şəhər ictimaiyyəti iştirak edib. Əgər bu il də Sumqayıt şəhərində konsert proqramı ilə iştirak etmək niyyətləri varsa və şəhər İcra Hakimiyyətinə rəsmi müraciət ünvanlayıblarsa ötən il olduğu kimi yenə də konsertlərini keçirə bilərlər”. 

E.Qocayev həmçinin əlavə edib ki, İcra Hakimiyyəti tərəfindən “Bu şəhərdə” üzvlərinə “yox” cavabı verilməyib.


23 Avq 2019
Şou-biznes

Oğlunu itirən Zöhrə Abdullayevanın yeni görüntüsü yayıldı - VİDEO

Oğlunun vəfatından sonra səhnə ilə vidalaşan əməkdar artist Zöhrə Abdullayevanın yeni görüntüsü yayılıb.

22 Avq 2019
Şou-biznes

Sənubər İsgəndərli seriala çəkilir

"Ata ocağı" serialı üçüncü mövsümü ilə ekrana gəlməyə hazırlaşır.

22 Avq 2019
Şou-biznes

Türkmənistan prezidenti azərbaycanlı müğənnilərə hədiyyə verib - VİDEO

Türkmənistanın Türkmənbaşı şəhərində keçirilən Birinci Xəzər İqtisadi Forumunda Azərbaycandan olan sənətçilər də iştirak edib.