Meksikanın mərkəzi bölgəsində yerləşən Tlahuelilpan şəhərindən keçən neft kəmərində güclü partlayış baş verib. Hadisə nəticəsində azı 20 nəfər ölüb, onlarla insan yaralanıb.
realpress.az xəbər verir ki, bu haqda BBC məlumat yayıb.
Hidalqo ştatının qubernatoru Ömər Fayadın sözlərinə görə, boru xəttində neft sızmasından xəbər tutan yerli sakinlər əraziyə axışıb və bir müddətdən sonra alışmadan partlayış və güclü yanğın baş verib.
Müxtəlif dərəcəli yanıq xəsarətləri ilə xəstəxanalara 44 nəfər çatdırılıb. Yerli telekanalın yaydığı görüntüdə Tula neft emalı zavodu yaxınlığından keçən boru xətti üzərində yüksək alovun qalxdığını görmək olur.
Sızmanın hansı səbəbə baş verdiyi hələ ki, aydınlaşdırılmayıb.
Qeyd edək ki, Meksikanın dövlət neft şirkəti olan “Pemeks” belə bir texnogen fəlakətlə ilk dəfə deyil ki üzləşir. 2013-cü ildə Mexikodakı qərargahında baş verən partlayışda 37 nəfər, 2012-ci ildə isə onun qaz istehsalı müəssisəsində baş verən yanğında isə 26 nəfər həlak olmuşdu.
#BREAKING: Multiple injuries reported after a pipeline explosion in the municipality of Tlahuelilpan, Mexico. (Video: @gritoinformati/@luisborja76) pic.twitter.com/uGsrnw6S1D
— BreakingNAgency (@BreakingNAgency) 19 January 2019
Video from above the pipeline explosion in Tlahuelilpan. (Video: @omarfayad)pic.twitter.com/JLJrNq2ewI
— BreakingNAgency (@BreakingNAgency) 19 January 2019
Almaniyada işgüzar səfərdə olan Azərbaycan Prezidenti İlham Əliyev Kanslerin Aparatına gəlib.
Yaponiyanın Baş naziri Fumio Kişida mayın 1-dən 6-dək Fransa, Paraqvay və Braziliyaya səfər edəcək.