ABŞ-ın Loqan şəhərində keçirilən XIV Beynəlxalq “Şimal kəklikləri” simpoziumunda ölkəmizi Azərbaycan Milli Elmlər Akademiyası (AMEA) Zoologiya İnstitutunun quru onurğalıları laboratoriyasının aparıcı elmi işçisi, biologiya üzrə fəlsəfə doktoru, dosent Elçin Sultanov təmsil edib.
İnstitutdan AZƏRTAC-a bildirilib ki, Yuta Dövlət Universitetində keçirilən tədbirə ABŞ-ın əksər ştatlarından və dünyanın bir çox ölkələrindən 150-yə yaxın alim və mütəxəssis qatılıb. Simpoziumun keçirilməsində əsas məqsəd şimal kəkliklərinin ekologiyasını və populyasiyalarının dinamikasını öyrənmək olub.
Tədbirdə E.Sultanovun “Qafqaz dağ-meşə xoruzlarının Azərbaycanda müasir vəziyyəti” mövzusunda məruzəsi dinlənilib.
Realpress.az
Ümummilli lider Heydər Əliyevin anadan olmasının 99-cu ildönümünə həsr olunan “Sən elə bir zirvəsən” respublika ifa müsabiqəsi mayın 5-dək davam edəcək. Müsabiqə Təhsil Nazirliyinin dəstəyi, Gənclərin Respublika Bədii Yaradıcılıq Evinin təşkilatçılığı ilə nazirlik sistemində fəaliyyət göstərən peşə və orta ixtisas təhsili müəssisələrinin şagird və tələbələri arasında keçirilir.
Magistraturaya qəbul imtahanında ən yüksək nəticə toplanılması mümkün olan 100 baldan 98 olub. Qəbul imtahanındakı nəticələri müsabiqə şərtlərini ödəyən bakalavrlar ixtisaslaşma seçiminə buraxılırlar. Müsabiqə şərtləri müxtəlif ixtisas qruplarına uyğun olaraq 30, 40, 45, 50 baldır.
Bir nəfərdə mobil telefon aşkarlandığı üçün, bir nəfər isə köçürməyə cəhd etdiyi üçün imtahandan xaric olunub və nəticələri ləğv edilib. Bundan əlavə, sual kitabçasını özü ilə aparan 4 nəfərin nəticəsi araşdırılır.