Kompüterlər bazarında yenidən azalma qeydə alınıb

Kompüterlər bazarında yenidən azalma qeydə alınıb
12 Okt 2018 10:24

Dünya kompüterlər bazarında yenidən azalma müşahidə olunur.

“ICTnews” Elektron Xəbər Xidməti “DailyComm” resursuna istinadən yazır ki,  “International Data Corporation” (IDC) şirkəti analitiklərinin qiymətləndirməsinə görə, 2018-ci ilin üçüncü rübündə fərdi kompüter, noutbuk və işçi stansiyalarının qlobal tədarükü 67,4 milyon ədəd təşkil edib ki, bu da ötən ilin müvafiq dövrü ilə müqayisədə 0,9 faiz azdır. Halbuki ekspertlər tərəfindən azalmanın 3 faiz səviyyəsində olacağı proqnozlaşdırılıb.

Tədqiqatda qeyd olunur ki, kompüter sahəsi 2017-ci ildən stabilləşməyə başlayıb. Bu ilin ikinci rübündə hətta cüzi - 2,7 faiz artım qeydə alınıb. Buna əsas töhfəni inkişaf etmiş ölkələr verdiyi halda inkişaf etməkdə olan ölkələrin bazarlarında kompüter texnikasına tələbatı azaldan valyuta məzənnələrinin dəyişməsi və siyasi-iqtisadi amillərlə əlaqədar müəyyən maneələr mövcuddur.  

Dünya fərdi kompüterlər bazarında ən böyük istehsalçı cari ilin üçüncü rübündə payı 24 faizə çatan “Lenovo” olub. Şirkətin bir il əvvəl pay göstəricisi 22,5 faiz təşkil edib. Çin istehsalçısı avadanlığın tədarükünü 5,8 faiz artırıb. Ondan sonrakı pillədə qərarlaşan “HP Inc.” şirkəti 0,3 faizlik artım nümayiş etdirib və illik hesablamada bazar payını artıraraq 22,8 faizə çatdırıb. İstehsalçının kompüter satışında isə artıq ardıcıl onuncu rübdür artım qeydə alınır.

Liderlər üçlüyünü 17 faiz payla “Dell” tamamlayıb. Şirkət kompüter tədarükünü 5,8 faiz artırıb. Dördüncü yeri tutan “Acer” fərdi kompüterlərin satışını 8,5 faiz çoxaldıb. “Apple” kompüterlərinin satışı isə azalıb.   

Analitiklər diqqəti “Lenovo” şirkətinin mövqeyini “Fujitsu” ilə yaradılan birgə müəssisə hesabına möhkəmlətməsinə yönəldirlər. Bundan başqa, tərəfdaşlıq strategiyasının yenilənməsi və daha stabil idarəetmə sayəsində “Lenovo” Şimali Amerikada göstəriciləri yaxşılaşdıra bilib.

Realpress.az


18 İyun 2019
Maraqlı

Zaqardan sonra dəriniz soyulursa, bunları edin – DERMATOLOQ TÖVSİYƏSİ

İnsanların çoxu, xüsusən də qadınlar bürünc dəri rəngini sevirlər. Çoxları havanın isinməsiylə hovuza, dənizə qaçıb, günəş vannası qəbul edərək, dərisinin bürünc olmasına çalışır. Kimisi isə mövsümə baxmayaraq, solyariyə gedib arzuladığı dəri rənginə qovuşur.

18 İyun 2019
Maraqlı

Alimlər: “İnternet beyində bərpa olunmaz dəyişikliklərə səbəb olur”

Beynəlxalq tədqiqatçılar qrupu internetin insan yaddaşına və onun sosial fəaliyyət qabiliyyətinə təsiri ilə bağlı sübutlar toplayıb. Alimlərin fikri “World Psychiatry” elmi jurnalında dərc edilib.  

18 İyun 2019
Maraqlı

Miqreni yaradan səbəblər - SİYAHI

Miqren periodik olaraq narahatçılıq yaradan və başın yarı hissəsini əhatə edərək günlərlə davam edən nevroloji xəstəlikdir.