Yeni Xiaomi qurğusu 4K formatını dəstəkləyir

Yeni Xiaomi qurğusu 4K formatını dəstəkləyir
11 Okt 2018 11:16

“Xiaomi” şirkəti yenilənmiş “Mi Box S” televizor qurğusunu təqdim edib.

“ICTnews” Elektron Xəbər Xidməti “Vesti” resursuna istinadən yazır ki, qiyməti 60 dollar təşkil edən yeni qurğu çoxlu quraşdırılmış “Google” məhsullarına malikdir, “HDR” standartlı təsviri saniyədə 60 kadr sürətində olmaqla “4K” təsvir ölçüsündə göstərir və “Dolby DTS” çoxkanallı səs formatını dəstəkləyir.

Məlumata görə, “Xiaomi Mi Box S” çoxnüvəli alt qrafik sistemli dördnüvəli prosessor, 2 giqabaytlıq operativ və 8 giqabaytlıq quraşdırılmış yaddaş və “Bluetooth 4.2” dəstəyi ilə təchiz edilib. Televizor qurğusunda 1 “HDMI 2.0A” və “USB 2.0” portu və audioçıxış nəzərdə tutulub. Əvvəlki “Xiaomi” mediapleyer modelləri kimi, yeni qurğu ən son “Android TV” versiyasının idarəetməsi ilə işləyir.

Qurğu dəstinə üzərində “Netflix” onlayn kinoteatrı və televizor kanallarına keçid üçün ayrı-ayrı düymələrin quraşdırıldığı məsafədən idarəetmə pultu daxildir.

ABŞ-da “Xiaomi Mi Box S” üçün artıq ilkin sifarişlər qəbul edilir. Qurğunun tədarüklərinə isə oktyabrın 19-dan etibarən başlamaq nəzərdə tutulur.

Realpress.az


19 Okt 2018
İT

Dövlət Radiotezliklər İdarəsinin yaranmasından 50 il ötür

Nəqliyyat, Rabitə və Yüksək Texnologiyalar Nazirliyinin tabeliyində fəaliyyət göstərən Dövlət Radiotezliklər İdarəsinin yaranmasından 50 il ötür. Bu münasibətlə nəqliyyat, rabitə və yüksək texnologiyalar naziri Ramin Quluzadə idarənin əməkdaşlarını təbrik edib.

19 Okt 2018
İT

İnternet istifadəçiləri göstəricisinə görə ölkəmiz digər MDB ölkələri ilə müqayisədə liderdir

Dünya İqtisadi Forumu 2018-ci il üzrə "Qlobal Rəqabətqabiliyyətlilik Hesabatı"nı ("The Global Competiviness Report 2018") dərc edib. Bu hesabat yeni metodologiya (yeni nəsil "4.0") əsasında hazırlanıb. Belə ki, yeni hesabatda əvvəlki hesabatın 114 göstəricisindən 84-ü çıxarılıb və 68 yeni  göstərici əlavə edilib. Ümumilikdə, sözügedən hesabatda 98 göstərici üzrə qiymətləndirmə aparılıb.

19 Okt 2018
İT

Samsung şirkəti Galaxy Book adlı hibrid planşetinin yeni nəslini təqdim edib

“Samsung” şirkəti “Galaxy Book” adlı hibrid planşetinin yeni nəslini təqdim edib. “Galaxy Book” planşetinin birinci nəsli “Intel Core”  prosessoru ilə təchiz edilmişdi. “Galaxy Book 2” isə “Always Connected PC” kateqoriyasına aiddir, “Qualcomm Snapdragon 850” ARM prosessoru, 1 QB-lik “LTE” texnologiyası ilə təchiz edilib və “Windows 10” əməliyyat sisteminin idarəetməsi altında işləyir. 

19 Okt 2018
İT

Populyar brauzerlər TLS protokolunun köhnə versiyalarının dəstəklənməsini dayandıracaq

2020-ci ilin birinci yarısında bütün əsas brauzerlər (Safari, Chrome, Edge, Internet Explorer və Firefox) “TLS” (Transport Layer Security) şifrləmə protokolunun 1.0 və 1.1 versiyalarının dəstəklənməsini dayandıracaq. Bu barədə internet brauzerlərinin istehsalçıları olan “Apple”, “Google”, “Microsoft” və “Mozilla” şirkətlərinin məlumatında deyilir.

19 Okt 2018
İT

Çində pilotsuz nəqliyyat təyyarəsinin uğurlu sınaqları keçirilib

Çinin Daxili Monqolustan Muxtar Rayonunda “Feyhun 98” pilotsuz nəqliyyat təyyarəsinin ilk uğurlu uçuş sınağı keçirilib.