Azərbaycanda kəskin qrip yayılıb? - Baş epidemioloq açıqladı

Azərbaycanda kəskin qrip yayılıb? - Baş epidemioloq açıqladı
10 Okt 2018 13:17

Hava şəraitindəki kəskin dəyişmələr kəskin respirator virus xəstəlikləri tez-tez müşahidə edilir. Ümumi halsızlıq, qrip əlamətləri, boğaz ağrısı, burun tutulmaları əlamətləri həm uşaqlar, həm də böyüklərdə müşahidə edilir.

Artıq səhiyyə naziri Oqtay Şirəliyev də "2018-2019-cu ilin payız-qış mövsümündə respublikada qrip və kəskin respirator xəstəliklərə qarşı profilaktik tədbirlərlə bağlı əmr imzalayıb.

Əmrdə əhali arasında qrip və kəskin respirator virus infeksiyalarının yayılmasının qarşısının alınması məqsədilə ümumtəhsil və məktəbəqədər uşaq müəssisələrində tibbi müşahidələrin aparılması, qripə yoluxması ehtimal olunan xəstələrin, xüsusən uşaqların və yaşlı əhalinin hospitalizasiyası üçün xüsusi palataların ayrılması, zəruri hallarda tibb müəssisələrində məhdudlaşdırıcı rejimin tətbiq edilməsi, tibb personalının fərdi qoruyucu vasitələrdən (maskalardan) istifadə edilməsi tapşırılıb.

Bəs hazırda ölkəmizdə qrip və kəskin respirator virus xəstəlikləri ilə bağlı vəziyyət necədir:

Realpress.az xəbər verir ki, Azərbaycan Tibb Universitetinin epidemiologiya kafedrasının müdiri, baş epidemioloq İbadulla Ağayev bildirib ki, hazırda respublikada qrip infeksiyası ilə bağlı heç bir təhlükə yoxdur:

"Respublika ərazisində heç bir yoluxucu xəstəlik müşahidə edilmir.Səhiyyə Nazirliyinin tabeliyində olan bütün tibb müəssisələri normal işləyir, hər hansı göstəriş olarsa, həmin halı aradan qaldırmağa hazırıq. Son günlər bəzi bölgələrdə kəskin respirator və qrip xəstəliyinin kütləvi şəkildə müşahidə edilməsi ilə bağlı yayılan məlumatlar həqiqəti əks etdirmir. Düzdür, mövsümlə əlaqədar müraciətlər var, lakin bunlar kütləvi hal daşımır. Bəzi məlumatlarda bölgələrdə insanlar arasında xəstəliyin kütləvi hal alması ilə bağlı yayılan məlumatlar həqiqəti əks etdirmir".

İ.Ağayev qripdən qorunma üsullarına da toxunub:

"Qripə yoluxmada əsas səbəb insanların özüdür.Səhiyyə Nazirliyi ev-ev gəzərək insanlara soyuqdan qorunmaq və şəxsi gigiyena qaydalarına əməl etməyi tapşıra bilməz. Hər bir şəxs sanitariya qaydalarına əməl etməlidir. Hava soyuyan kimi geyimlər də dəyişməlidir. Ailədə, işdə xəstə olan şəxslər digərlərindən təcrid edilməlidir. Hər bir insan özü-özünün həkimi olmalıdır. Xəstə olmasına baxmayaraq məcbur qalıb işləyənlər tibbi maskalardan istifadə etməlidirlər. Əks halda ətrafındakı insanları mütləq yoluxdurmuş olacaq. Eləcə də sağlam insanlar özlərini qorumaq üçün maskadan istifadə edə bilərlər. Müəssisə rəhbərləri xəstə halda gələnləri işə buraxmamalıdır. Çünki bir mühitdə olanda mütləq digərləri də yoluxmuş olacaq. Xəstələnən şəxslər sahə həkimlərinə müraciət edib, yalnız həkim təyinatından sonra müalicədə başlamalıdırlar". (publika.az)


19 Okt 2018
Səhiyyə - Sağlamlıq

Bu xəstəliyin kəskin, ani başlanğıcı olur

Dəridə olan cızıq, sıyrıq, bişməcə və digər zədələnmələr beta hemolitik streptokok infeksiyasının yoluxması nəticəsində yaranan və kəskin gedən, çox zaman residivləşən infeksion xəstəlikdir. Bu problem infeksion xəstəliklər sırasında 4-cü yeri tutur. 3-5 günlük gizli dövrdən sonra xəstəliyin kəskin, ani başlanğıcı olur və qısa zamanda ciddi narahatlıq yarada bilər.

18 Okt 2018
Səhiyyə - Sağlamlıq

Kirpiklərin tökülmə səbəbləri

Göz qapaqlarının dərisi üzlə oxşar olsa da, daha incədir və tez yaralana bilir. Qapaqlar tez sağalmağa meyillidir.

18 Okt 2018
Səhiyyə - Sağlamlıq

Piylənmə qadınlarda bağırsaq xərçənginə səbəb ola bilər

Mütəxəssislər 1989-cu ildən 2011-ci ilədək 25-44 yaş arası 85 min qadının analizlərinin nəticələrini təhlil ediblər. Hər 2-4 ildən bir iştirakçılar öz çəkiləri, həyat tərzləri və ümumi sağlamlıq vəziyyətləri barədə mütəxəssislərə məlumat veriblər. Bu müddət ərzində 50 yaşa qədər 114 qadında koloretal xərçəng (yoğun və düz bağırsaq xərçəngi) müəyyən edilib.

17 Okt 2018
Səhiyyə - Sağlamlıq

Tibdə YENİLİK - Damar əməliyyatları sadələşir

Tibdə daha bir yeniliyə imza atan Kembric Universitetinin alimləri damarlarda əməliyyatların aparılması üçün qeyri-adi quruluşa malik miniatür kamera hazırlayıblar.

16 Okt 2018
Səhiyyə - Sağlamlıq

Yuxu zamanı insan bədənində baş verən 10 mühüm dəyişiklilk

İnsan həyatın təxminən 1/3 hissəsini yuxuda keçirir. Yuxu həyati vacibdir.