Xəbər verdiyimiz kimi, onkoloji xəstəlikdən əziyyət çəkən əməkdar artist Tünzalə Əliyeva artıq əmək qabiliyyətini itirib.
Realpress.az-in məlumatına görə, müğənni Rəşidə Rəşid aktrisanın göz yaşlarına biganə qala bilməyib.
R. Rəşid T. Əliyevaya görə Azərbaycanın Birinci vitse-prezidenti Mehriban Əliyevaya müraciət edib.
Müğənni "Facebook" hesabında yazdığı müraciətində bunları qeyd edib:
"Bizim sevimli aktrisamızın bu qəmli gözlərinə necə baxmaq olar axı! İnsan kömək istəyir! O, dəfələrlə bizə gülüş və sevinc bəxş edib! Neçə-neçə evdə onun iştirakı ilə veriliş gedəndə insanlar televizor qarşısından ayrılmırdılar! Heç kəs paylaşmadı! Bəlkə, mən nə isə bilmirəm, bəlkə də dövlət qurumları artıq onun halı ilə maraqlanır! Amma siz, "Facebook" istifadəçiləri, məşhur aktrisanın ağrı-acısını paylaşmadınız! Onun ailəsi, həyat yoldaşı, uşağı var. Təkcə dualar ona kömək etməyəcək! Mehriban Əliyevadan xahiş edirəm ki, ona yardım etsin, necə ki, o, bu günə qədər onlarla insanı xilas edib! Əziz, Mehriban xanım, bizim birinci-ledi, bizim Birinci vitse-prezident, xahiş edirəm, bizim məsum Azərbaycan qadınına, anasına həyata qayıtmaqda kömək edin! Böyük hörmətlə, ürəkdən sizdən xahiş edirəm! Bilirəm, əziz Mehriban xanım, siz hər şeyi bacarırsınız!".
Məşhur müğənninin konserti təxirə salınıb.
Türkiyənin məşhur müğənnisi Mustafa Sandal Bakıya gəlib.
Türkiyənin məşhur müğənnisi və bəstəkarı Mustafa Sandal Bakıda konsert proqramı ilə çıxış edəcək.
