Dollar daha da ucuzlaşacaq-Ərdoğanla Merkel razılığa gəldilər
16
Avq
2018
09:14
Türkiyə prezidenti Rəcəb Tayyib Ərdoğanın Almaniya kansleri Angela Merkellə telefon danışığı olub.
Realpress.az Virtualaz.org-a istinadən bildirir ki, tərəflər başda Suriya məsələsi olmaqla regional mövzuları müzakirə ediblər. Həmçinin, hər iki ölkə liderinin sentyabr ayında Berlində görüşəcəyinə dair razılıq əldə edilib. Merkel söhbət zamanı Türkiyə iqtisadiyyatının güclü olmasının Almaniya üçün əlverişli olduğunu bir daha vurğulayıb.
Ərdoğan və Merkel hər iki ölkənin maliyyə nazirlərinin yaxın günlərdə görüşməsi barədə də razılığa gəliblər.
Bundan başqa məlumata görə,Almaniya Türkiyə iqtisadiyyatına əlavə sərmayələr qoyulması və alman iş adamlarının Türkiyəyə cəlbi üçün rəsmi Ankaranın kapital qoyuluşlarına müəyyən sədlər gətirən qanunlarda dəyişiklik etməsin istəyib.
