“Azərbaycan ilə Bolqarıstan arasında əməkdaşlıq əlaqələrinin əsasını enerji sahəsi təşkil edir”.
AZƏRTAC xəbər verir ki, bu sözləri iqtisadiyyat naziri Mikayıl Cabbarov Bakıda keçirilən Azərbaycan-Bolqarıstan biznes forumunda deyib.
O bildirib ki, cari ildə Bolqarıstana təbii qaz ixracının həcmi illik sərfiyyatın 50 faizini ötəcək.
Nazir qeyd edib ki, iki ölkə arasında yaşıl enerji istehsalında da əməkdaşlıq əlaqələri mövcuddur və bu istiqamətdə danışıqlar davam edir.
“Bizim əməkdaşlıq əlaqələrimiz yalnız enerji sahəsi ilə məhdudlaşmır. Hər iki dövlət nəqliyyat, tranzit, logistika sahəsində də əməkdaşlığa hazırdır. Bu gün keçirilən biznes forumun da məqsədi iş adamlarının, biznes strukturlarının yaxınlaşmasına və qarşılıqlı faydalı əməkdaşlığına nail olmaqdan ibarətdir. Bu ilin iyun ayında Sofiya ilə Bakı arasında birbaşa təyyarə reysləri açılacaq. Artıq AZAL ilə “BolqarAİR” şirkətləri arasında müvafiq sənəd imzalanıb. Bu reysin açılması hər iki ölkənin turizm sənayesinin inkişafına təkan verməklə yanaşı iş adamlarının da səfərlərinin artmasına səbəb olacaq. Azərbaycan ilə Bolqarıstan Qara Dəniz İqtisadi Əməkdaşlıq Təşkilatı, BMT və digər beynəlxalq platformalarda da yaxın əməkdaşlıq edirlər”, - deyən nazir qarşılıqlı əlaqələrin gələcəkdə daha da inkişaf edəcəyini bildirib.
Azərbaycan Xarici İşlər Nazirliyi (XİN) Norveçi Konstitusiya Günü münasibətilə təbrik edib.
Dövlət İmtahan Mərkəzi ali təhsil müəssisələrinin magistraturalarına 28 aprel 2024-cü il tarixində keçirilmiş qəbul imtahanının (II cəhd) yekun nəticələrini elan edib.
Azərbaycana dövlət səfəri çərçivəsində Belarus Prezidenti Aleksandr Lukaşenko Azərbaycan Prezidenti İlham Əliyevlə birlikdə mayın 17-də ölkənin qurulmaqda olan ərazilərinə səfər edib.