Ordumuzun Naxçıvandakı yeni mövqelərinin görüntüləri FOTO, VİDEO

Ordumuzun Naxçıvandakı yeni mövqelərinin görüntüləri FOTO, VİDEO
30 2018 17:55

Sosial şəbəkələrin erməni istifadəçiləri Azərbaycan ordusunun Naxçıvan istiqamətində irəliləyərək yeni strateji mövqelər tutmasını əks etdirən fotoları yayıb.

Realpress.az xəbər verir ki, bu barədə “Vkontakte” sosial şəbəkəsi məlumat yayıb. Sosial şəbəkə “Hərbi xəbərlər” qrupuna istinadən bildirir ki, ermənilər Azərbaycan ordusunun yeni mövqelər tutması nəticəsində Ermənistanın Areni kəndinin tamamilə Azərbaycanın nəzarəti altına keçdiyini bildirirlər.


Məlumata görə Siranuş Tumanyan adlı istifadəçi Azərbaycan ordusunun mövqelərinin Areni kəndindən çəkilmiş fotolarını paylaşıb və yazıb: "Azərbaycan ordusunun Areni kəndinin üzərində yeni mövqeləri. Şəkil indi çəkilib. Areni kəndi tam olaraq Azərbaycan ordusunun nəzarətinə keçib. Bizim mövqelərimiz isə aşağıda qalıb. Kənd panikadadır. Bunu inkar edənlərə inanmayın. Gəlin öz gözlərinizlə görün." 

 Ermənistan Müdafiə Nazirliyinin mətbuat katibi Artsurun Ovanisyan da faktı təstiqləyib. "Bəli Azərbaycan ordusunun Areni kəndi istiqamətində yeni postları qurulub. Ancaq panikaya düşməyə əsas yoxdur. Azərbaycan öz əraziləri daxilində mövqe qurub. Bizim özümüzün də çoxlu dominant yüksəkliklərimiz və mövqelərimiz var. Və sosial şəbəkələrdə müzakirələr vəzifələrin yerinə yetirilməsinə mane olur. Xahiş edirəm təmkinli olun"-Ovanisyan özünün Facebook səhifəsində yazıb.

Xəbər verdiyimiz kimi bir neçə gün əvvəl Azərbaycan ordusunun Naxçıvan Əlahiddə Ümumqoşun birləşməsinin xüsusi təyinatlıları qoşunların təmas xətti boyu neytral zonada irəliləyərək yeni yüksəkliklər, o cümlədən Şərur rayonu ərazisindəki Qızılqaya yüksəkliyini tutub. Nəticədə 1992-ci ilin mayında Ermənistan ordusunun nəzarəti altına düşən və neytral zonada qalan Günnüt kəndi atəş altından çıxarılıb. Eyni zamanda ordumuz Yerevan-Gorus-Laçın yoluna da nəzarət etmək imkanı əldə edib. Azərbaycan ordusunun Naxçıvan istiqamətində irəliləyərək böyük əraziləri nəzarət altına almasını erməni hərbi reportyor Edik Bağdasaryan da açıqlamışdı.


19 Okt 2018
Cəmiyyət

Bakı-Sumqayıt qatarı bu tarixlərdə işləməyəcək

Bakı-Sumqayıt-Bakı elektrik qatarlarının hərəkət cədvəli dəyişdirilir.

19 Okt 2018
Cəmiyyət

İki pasportunuz varsa, Azərbaycan vətəndaşlığınızı itirərsinizmi? - Bir çox sualınıza cavablar

İkili vətəndaşlıq, yoxsa iki vətəndaşlıq? - bu sual qəribə səslənsə də, bir çoxları ikili vətəndaşlıq yox, iki vətəndaşlıq ifadəsinə üstünlük verir. Çünki bəziləri həm Azərbaycan, həm də digər ölkələrin vətəndaşlığını daşıyırlar. Azərbaycan qanunvericiliyinə görə, ikili vətəndaşlıq qanunsuzdur. "İki vətəndaşlıq" ifadəsi isə qanunvericilikdə yoxdur. 

19 Okt 2018
Cəmiyyət

Zəhərlənən gəmiçilərdən 5-i evə buraxılıb

Xəzər dənizinin mərkəzi hissəsində, Pirallahı adasından 21 mil məsafədə Aktau-Bakı marşrutu üzrə hərəkət edən İran İslam Respublikasına məxsus “Nazmehr” quru yük gəmisində zəhərlənərək xəstəxanaya gətirilən 5 nəfər artıq buraxılıb.