Müəllimlərin kütləvi şəkildə işdən çıxarılmasına rəsmi münasibət

Müəllimlərin kütləvi şəkildə işdən çıxarılmasına rəsmi münasibət
06 Dek 2016 15:55

XəzərXəbər xəbər verir ki, təhsil nazirinin müavini Ceyhun Bayramov jurnalistlərə açıqlamasında deyib ki, yeni tədris ilinin əvvəllində Tovuzda 500-dək orta məktəb müəlliminin kütləvi şəkildə işdən çıxarılması haqda yayılan məlumat araşdırılıb. Nazir müavininin sözlərinə görə, bu məsələ orada sinif komplektlərinin düzgün olmaması ilə əlaqədardır.

C.bayramov Tovuzda müəllimlərin kütləvi şəkildə işdən çıxarılması hallarının mövcud olmadığını qeyd edib: “Bəzi hallarda sinif komplektlərinin - hər bir sinfin açılması üçün müəyyən standartlar var. Sinifin formalaşdırılması üçün gərək 20 şagird olsun. Bundan əlavə sinfin bölünməsi üçün 30 nəfərdən yuxarı şagird sayı olmalıdır ki, həmin sinif iki yerə bölünsün. Bəzi hallarda hansısa sinif komplektlərinin formalaşmasında dəqiqləşdirmələr aparılmayıb. Bu məsələ hansısa müəllimin dərs yükü normasına təsir edə bilər. Lakin bunun nəticəsində müəllimlərin ixtisarından söhbət gedə bilməz”.