"Əhali düşünür ki, qazın qiyməti indiki ilə müqayisədə nisbətən aşağı olduğu üçün boğulma, zəhərlənmə, ölmə halları baş verirdi. Qiymətin qalxması ilə bu problemin də aradan qalxacağını düşünürlər. Xeyr, bunun qiymətə heç bir aidiyyatı yoxdur. Bu cür hallar əsasən insanların məsuliyyətsizliyi nəticəsində baş verir”.

Ekspertin sözlərinə görə, mavi qazın tərkibində olan yanma maddələri zəhərlidir.  Bu maddələrlə işləməyin müəyyən mexanizmi var. Texnologiya, inşaat normaları, təhlükəsizlik qaydalarına riayət olunmaması bu cür arzuolunmaz halların yaranmasına səbəb olur:"Maydan etibarən Fövqəladə Hallar Nazirliyi bu istiqamətdə təhlükəsizliyinin qorunmasına görə məsul hesab  olunur. Lakin bu vaxtadək qurum bir şəxsin qapısını döyüb maairfləndirici tədbirlər görməyib. Sovet dövründə ayda bir dəfə yoxlama keçirilirdi. Bacalar yoxlanılaraq təmzilənirdi. Bu halların qarşısını almaq üçün bütün tüstü bacalar yoxlanılmalı, kompleks tədbirlər keçirilməlidir. Təəssüflər olsun ki, buna fikir verən yoxdur, insan övladının canı ucuzlaşdırılıb”.