Rusiyanın Ulan-Ude şəhərinin (Buryatiyanın paytaxtı) hakimiyyəti müxtəlif ərazilərdə baş verən yanğınlarla əlaqədar şəhər sakinlərinin kütləvi təxliyəsinə başlayıb.
Bu barədə Ulan-Ude şəhərinin meri İqor Şutenkov sosial şəbəkələrdə məlumat verib.
İlkin məlumatlara görə, şəhərdə yanğınlar quru ot səbəbindən başlayıb və küləkli, quru hava səbəbindən çox sürətlə yayılır.
Rusiya Fövqəladə Hallar Nazirliyinin verdiyi məlumata görə, Ulan-Udedə baş verən yanğın 20 ev və yardımçı tikililərə ziyan vurub və genişlənməkdə davam edir. Ərazidə 70-dən çox insan və 19 texnika işləyir.
Qeyd edək ki, yanğın 10 min kvadratmetr ərazini əhatə edib.
Bütün şəhərdə yüksək hazırlıq rejimi elan edilib.
Slovakiyanın Baş naziri Robert Fitso mayın 17-də əməliyyat olunub, lakin onun vəziyyəti ağır olaraq qalır.
Nikaraquanın paytaxtı Manaquanın cənub-şərqindəki Ometepe adasında yerləşən Konsepsyon vulkanı püskürüb və təxminən 2 km hündürlüyündə kül sütunu havaya qalxıb.
Şimali Koreya Yapon dənizinə doğru ballistik raket atıb.