Braziliyanın cənub əyalətində daşqınlar nəticəsində ölənlərin sayı 95-ə çatıb.
Məlumata görə, yaralananların sayı artıq 372 nəfərdir.
Bu barədə Rio-Qrandi-du-Sul ştatının qubernatoru Eduardo Leyte məlumat verib.
159 min yerli sakin evlərini tərk etmək məcburiyyətində qalıb, ən azı 131 nəfər itkin düşənlər siyahısındadır.
“95 ölüm... Rəqəmlər artır, lakin təəssüf ki, biz hələ də onun artacağını proqnozlaşdırırıq. Çünki biz hələ də fövqəladə vəziyyətdəyik”, - deyə Leyte bildirib.
Qeyd edək ki, aprelin sonunda Braziliyanın Uruqvayla sərhədində yerləşən cənub əyaləti 1941-ci ildən bəri ən güclü yağışa məruz qalıb. Yağışlar səbəbindən Rio-das-Antas çayında bənd dağılıb, yaxınlıqdakı yaşayış məntəqələri su altında qalıb. Ümumilikdə, Rio-Qrandi-du-Sul əyalətindəki 497 bələdiyyədən 401-i tufan və daşqınlardan zərər çəkib. Səlahiyyətlilər təbii fəlakətin 1,5 milyona yaxın insanın zərər çəkdiyini təxmin edir.
İran Prezidenti İbrahim Rəisi və onu müşayiət edən rəsmi şəxslərin helikopter qəzası nəticəsində həlak olması ilə əlaqədar daha bir neçə ölkədə milli matəm elan edilib.
Helikopter qəzasında həlak olan İran Prezidenti İbrahim Rəisinin cənazəsi çərşənbə axşamı Təbrizdən doğulduğu Məşhəd şəhərinə göndəriləcək.
Rusiya prezidenti Vladimir Putin İranın birinci vitse-prezidenti Məhəmməd Moxberlə telefonla danışıb.
