Bu gün Xalq artisti, professor Həmidə Ömərovanın doğum günüdür.
Oxu.Az xatırladır ki, aktrisa Həmidə Ömərova 25 aprel 1957-ci ildə Bakıda müəllim ailəsində anadan olub.
1975-1979-cu illərdə Moskvada Ümumittifaq Dövlət Kinematoqrafiya İnstitutunun aktyorluq şöbəsində təhsil alıb.
1979-1993-ci illərdə C.Cabbarlı adına “Azərbaycanfilm” kinostudiyasında, 1992-1993-ci illərdə Azərbaycan Kinematoqrafçılar İttifaqında çalışıb.
Filmlərə çəkilməklə yanaşı, 500-dən artıq bədii filmin dublyajı və səsləndirilməsində iştirak edib.
Kino haqqında “Azərbaycan kinosunda feminizm”, “ABŞ kinosu: 1895-1945-ci illər”, “Amerika kino tarixi” kitablarının müəllifidir.
1986-cı ildən Azərbaycan Dövlət Televiziyasında “Retro” kinozalı verilişinin aparıcısı, 2002-ci ildən “Kinoştrix” verilişinin ssenari müəllifi olub.
Hazırda Azərbaycan Dövlət Mədəniyyət və İncəsənət Universitetinin professorudur. Azərbaycanın Xalq artisti, Prezident təqaüdçüsüdür.
Həmidə Ömərova “Şəfiqə” (“Qızıl uçurum” filmində), “Zümrüd” (“Yol əhvalatı”), “Zeynəb” (“Babamızın babasının babası”), “Telli” (“Qorxma, mən səninləyəm”), “Afaq” (“Nizami”), “Nazlı” (“Şirbalanın məhəbbəti”), “Zivər” (“Doğma sahillər”) və s. obrazlar yaradıb.
1986-cı ildə Respublika Lenin Komsomolu mükafatına, 1988-ci ildə Azərbaycan Respublikasının “Əməkdar artisti”, 2005-ci ildə “Xalq artisti” fəxri adlarına layiq görülüb.
Peşəkar aktrisa indi televiziya seriallarında çəkilir.
Ulu öndər Heydər Əliyevin anadan olmasının 101-ci ildönümü münasibətilə Azərbaycan Texniki Universiteti və Milli Aviasiya Akademiyasının tələbələrinin birgə hazırladığı müdafiə təyinatlı pilotsuz uçuş aparatının (PUA) ilk uçuşu həyata keçirilib.
Oğuz rayonunda əl qumbaraları və sursat aşkarlanıb.
Əsas (baza ali) tibb təhsili əsasında rezidenturaya qəbul imtahanının 1-ci mərhələsinin (baza fənləri üzrə biliklərin qiymətləndirilməsi imtahanının) 2-ci cəhdində iştirak etmək üçün namizədlərin qeydiyyatı 19 may saat 23:59-dək internet vasitəsilə aparılır.