“Legiya”nın heyətində ilk rəsmi oyununda uğurlu çıxış edən Mahir Emreli oyun barədə təəssüratlarını bölüşüb.
Bu barədə “Legiya”nın rəsmi saytında məlumat dərc olunub.
“Çox sevincliyəm. Yoxlama oyunlarında fərqlənmişdim, ancaq rəsmi oyunlarda tam fərqli hiss edirəm. Bu oyun barədə unudub, yenidən bizim stadionda qarşılaşmağa hazır olmaq lazımdır. Varşavada sizə ən yaxşı oyunu göstərməyə ümid edirik.
“Cavab qarşılaşmasında atmosfer və şərtlər tamamilə fərqli olacaq. Çətin oyun olacaq, yaxşı hazırlaşmalı və var gücümüzlə çalışmalıyıq”, - deyə M.Əmrəli bildirib.
Xatırladaq ki, 24 yaşlı hücumçu Çempionlar Liqasının birinci təsnifat mərhələsinin “Budö/Qlimt”lə qarşı birinci oyununda yeni komandası ilə ilk rəsmi oyununa çıxıb. Forvard Norveçdəki səfər oyununa start heyətində başlayıb. O, erkən qola sevinən “Legiya”nın ikinci topuna 41-ci dəqiqədə imza atıb. Fasilə ərəfəsində skandinaviyalılar fərqi azaltsa da, Mahir ikinci hissədə də qol sevinci yaşayıb. O, 61-ci dəqiqədə dubl edib.
Azərbaycanın idman gimnastı Nikita Simonov İtaliyanın Rimini şəhərində keçirilən Dünya Kubokunda final mərhələsinə vəsiqə qazanıb.
Bu gün Azərbaycanın 7 cüdoçusu Xorvatiyanın paytaxtı Zaqrebdə start götürəcək Avropa çempionatında mübarizəyə başlayacaq.
Azərbaycan bədii gimnastları Özbəkistanın paytaxtı Daşkənddə keçiriləcək Dünya kubokunda iştirak edəcəklər.