Matç İngiltərə millisinin Danimarka üzərində 2:1 hesablı qələbəsi ilə başa çatdı. Beləliklə, İngiltərə millisi ilk dəfə Avropa çempionatının finalında oynayacaq. İngiltərə yığmasının rəqibi iyulun 11-də İtaliya millisi olacaq.
01:14
Rahim Sterlinqə qarşı edilən hərəkətə görə penalti təyin edildi. 104-cü dəqiqədə Hari Keynin penalti zərbəsini Kasper Şmeyxel dəf etsə də, təkrar zərbə qol oldu. Bununla Keyn turnirdə dördüncü qolunu vurdu və AVRO-2020-nin bombardiri olmaq şansı əldə etdi. Hesabda isə İngiltərə 2:1 qalib gəlir və finala çıxmağa yaxındır.
01:09
90 dəqiqə ərzində hesab 1:1 başa çatdığından, komandalar əlavə 30 dəqiqəyə ehtiyac duyub.
00:03
Matçda ikinci hissə başladı. İlk hissədən sonra hesab 1:1-dir.
23:40
İngiltərə danimarkalıların sevincinin çox çəkməsinə imkan vermədi. Bukayo Sakanın ötürməsindən sonra 39-cu dəqiqədə hesab bərabərləşdi. Qol Simon Kyerin ayağına avtoqol kimi yazıldı.
23:32
Matçda hesab açıldı. Mikel Damsqor 30-cu dəqiqədə cərimə zərbəsindən hesabı açdı. Bu, AVRO-2020-də cərimə zərbəsindən vurulan ilk qol və İngiltərə millisinin buraxdığı ilk topdur. Danimarka millisi 1966-cı ilin dünya çempionlarına Londonda 1:0 qalib gəlir.
23:01
İngiltərə – Danimarka matçı başlandı.
22:12
Bu gün AVRO-2020-nin ikinci finalçısının adına aydınlıq gələcək.
realpress.az xəbər verir ki, meydan sahibi olan İngiltərə heç vaxt qalib ola bilmədiyi Avropa çempionatının finalına çıxmaq üçün 1992-ci ilin qitə çempionları Danimarka ilə qarşılaşır.
Komandaların start heyətləri belədir:
İngiltərə (4-2-3-1): Pikford, Şou, Maquayr, Stounz, Uolker, Rays, Filips, Sterlinq, Maunt, Saka, Keyn (kapitan)
Danimarka (3-4-3): Şmeyxel, Vesterqor, Kyer (kapitan), Kristensen, Mehle, Dileni, Höybyerq, Striqer, Damsqor, Breytveyt, Dolberq
Qeyd edək ki, qalib komanda iyulun 11-də Londonda İtaliya millisi ilə final görüşünə çıxacaq. Uduzan tərəf isə İspaniya yığması kimi avtomatik bürünc medallara yiyələnəcək.
09:28
Bu gün AVRO-2020-də turnirdə ikinci finalçının adı məlum olacaq.
realpress.az xəbər verir ki, ikinci yarımfinal görüşündə İngiltərə və Danimarka kollektivi üz-üzə gələcək.
Komandalar indiyədək 14 dəfə qarşılaşıb. İngiltərə bu oyundan 7-də, Danimarka 4-də qələbə qazanıb. 3 oyun isə heç-heçə başa çatıb.
Sonuncu dəfə komandalar Millətlər Liqasında üz-üzə gəlib. Bu oyunda Danimarka minimal hesablı qələbəyə sevinib. Həmin qarşılaşmada yeganə qolu AVRO-2020-nin qrup mərhələsinin ilk oyununda Finlandiyaya qarşı oyunda ciddi zədə almış Kristian Eriksen vurub.
AVRO-2020-nin 1/4 final qarşılaşmasında İngiltərə Ukrayna üzərində inamlı qələbə qazanıb – 4:0. Danimarka isə Çexiyadan üstün olub – 2:1.
AVRO-2020
1/2 final
23:00 İngiltərə - Danimarka
Baş hakim: Dani Makkeli (Niderland)
London. “Uembli” stadionu
Kişi həndbolçular arasında Azərbaycan çempionatının həlledici mərhələsində ilk oyunların təqvimi müəyyənləşib.
Kəlbəcərdə infrastruktur işləri görülür.
Qadınlar arasında idman gimnastikası üzrə Azərbaycan milli komandasının üzvü Nazənin Teymurova Dohada keçirilən Dünya Kubokunda tir üzərində hərəkətlər proqramında finala yüksəlib.
Azərbaycanın ekologiya və təbii sərvətlər naziri, COP29-un prezidenti Muxtar Babayev Vaşinqton şəhərində Beynəlxalq Valyuta Fondu (IMF) və Dünya Bankı Qrupunun keçirdiyi yaz toplantısı çərçivəsində İqlim Fəaliyyəti üzrə Maliyyə Nazirləri Koalisiyasının 11-ci iclası çərçivəsində ABŞ-nin keçmiş dövlət katibi Con Kerri ilə görüşüb.
