Mərhum Xalq artisti Arif Quliyevin məzar daşının hazırlanması üçün ailəsinin maddi imkanı yoxdur. Aktyorun ailə üzvləri bunun üçün Mədəniyyət Nazirliyindən dəstək gözləyir.
Ötən gün isə mərhum sənətçinin həmkarı Natiq Fərzəliyev Xalq artistinin məzar daşının düzəldilməsi üçün ailəsinin maddi imkanının olmadığını bildirib.
Məsələ ilə bağlı Yenisabah.az-a danışan Əməkdar artist Nahidə Orucova həmkarına qarşı bu cür laqeyd münasibətin yolverilməz olduğunu deyib:
“Bunu mən də eşitdim. Mənim fikrimcə, hər bir aktyor, ələlxüsus da Xalq artisti diqqət mərkəzində olmalıdır. Hər halda Arif Quliyev mədəniyyət sahəsi üçün az şey etməyib. Onun da özünəməxsus obrazları, yumoru var idi. Allah rəhmət eləsin. Arif Quliyevin dünyasını dəyişməsi bizə çox böyük zərbə oldu. Əsl sənətkarlar bir-bir aradan gedir, bu, çox ağırdır. Onun ölümü teatrımıza və mədəniyyətimizə də ağır itkidir. Ona görə də ölümündən sonra birləşib ortaya nəsə çıxartmaq olar. Ən azından birləşib qəbirüstü daşını götürmək olar”.
Qeyd edək ki, Arif Quliyev Qaradağ rayonu “Qurd qapısı” qəbiristanlığında dəfn olunub. Ölümündən 40 gün keçməsinə baxmayaraq, aktyorun qəbirüstü daşı hələ də hazırlanmayıb.
Rəqəmsal İnkişaf və Nəqliyyat Nazirliyinin tabeliyindəki Azərbaycan Yerüstü Nəqliyyat Agentliyinin (AYNA) işğaldan azad olunmuş ərazilərə təşkil etdiyi müntəzəm avtobus reyslərinə may ayı üçün biletlər 26 aprel 2024-cü il saat 11:00-da satışa çıxarılacaq.
Malıbəylidə ən azı altı nəfərə aid olduğu ehtimal edilən sümük fraqmentləri aşkar edilib.
Dövlət İmtahan Mərkəzinin aprelin 28-də ali təhsil müəssisələrinin magistraturalarına keçirəcəyi qəbul imtahanında (II cəhd) 19716 bakalavr iştirak edəcək.
