Şəhid ailələrinə verilən evlərlə bağlı AÇIQLAMA – FOTO

Şəhid ailələrinə verilən evlərlə bağlı AÇIQLAMA – FOTO
16 May 2021 09:32


Ağdaş rayonunda şəhid ailələri və Qarabağ müharibəsi əlilləri üçün inşa olunmuş bəzi fərdi evlərin guya keyfiyyətsiz, yaşayış üçün yararsız, yarımçıq  halda tikilərək sahiblərinə təqdim edildiyi barədə yayılan məlumat həqiqəti əks etdirmir. 

Bu barədə realpress.az-a açıqlamasında Əmək və Əhalinin Sosial Müdafiəsi Nazirliyinin tabeliyində olan Sosial Xidmətlər Agentliyinin mətbuat katibi Murad Həşimov məlumat verib.

O bildirib ki, Ağdaş rayon sakinləri Baxşəli və Tərlan Səfərovlar üçün fərdi evlərin ötən ilin dekabr ayında inşası yekunlaşıb, müasir tələblərə uyğun yaşayış şəraitinə malik evlər kimi təhvil-təslim aktları əsasında onlara təqdim olunub:

“Mənzillərin bütün lazımi aksessuarlarla, kommunal sistemlə təchizat işləri də aparılıb. Evləri təhvil alan şəxslər də həmin vaxt evlərin inşasından, evlərdə yaradılmış yaşayış şəraitindən, evlərdəki təchizatdan razılıqlarını ifadə ediblər. Bu razılıqlarını təhvil-təslim aktlarında da öz imzaları ilə təsdiqləyiblər.  

Təhvil verilərkən evlərin, mənzillərdə yaradılmış şəraitin fotoları çəkilib. Təqdim etdiyimiz həmin fotolarda da aydın görmək olar ki, evlər təhvil verilərkən onlarda normal şərait, təchizat olub. Müqayisə etdikdə aydın görmək olur ki, həmin mənzillərdə sonradan belə acınacaqlı vəziyyət yaradılıb, divar kağızları da qəsdən qoparılıb, divarlara, qapılara da ziyan vurulub. Evlərdə quraşdırılmış aksessuarlar da sonradan sökülüb. Görünən bəzi nöqsanlar, fəsadlar isə evlər təhvil verildikdən sonra onlarda uzun müddət yaşayış olmaması, evlərin uzun müddət sahibsiz, baxımsız buraxılması səbəbindən yaranıb”.

M.Həşimov onu da əlavə edib ki, vətəndaşın günahı ucbatından yaranmış həmin nöqsanların da aradan qaldırılması üçün cari təmir işləri görülməsi üçün aidiyyəti podratçı şirkətə tapşırıq verilib:

“Vətəndaşlar tərəfindən məsuliyyətsizcəsinə belə yalan məlumatın verilməsi böhtan xarakteri daşıyır. Məlumatdakı süjetdə eyni zamanda bəzi ətrafı hasarlanmamış, yarımçıq fərdi evlər də göstərilir.  Onlar 2016-cı ildə podratçı şirkət tərəfindən müvafiq dövlət vəsaitlərinin qanunsuz mənimsənilməsi nəticəsində yarımçıq, yararsız halda tikilmiş, bu səbəbdən hələ təhvil verilməmiş evlərdir. Bu səbəbdən həmin şirkət rəhbəri hazırda həbsdədir”.

Qeyd edək ki, Prezident İlham Əliyevin tapşırığına uyğun olaraq şəhid ailələri və Qarabağ müharibəsi əlillərinin mənzillə təminatı proqramı ildən-ilə genişlənir.  Əmək və Əhalinin Sosial Müdafiəsi Nazirliyi tərəfindən onlara 2020-ci ildə də əvvəlki ilə nisbətən 70 faiz çox olmaqla 1572 mənzil və ya fərdi ev təqdim olunub. 

Dövlət başçısının 25 yanvar 2021-ci il tarixli Sərəncamı ilə 2021-2025-ci illərdə isə  11 min, o cümlədən 2021-ci ildə 3 minədək mənzil və fərdi ev veriləcək. Bu ilin planı üzrə həmin kateqoriyalardan olanlara artıq 420, ümumilikdə indiyədək 9620 mənzil və fərdi ev verilib. Cari ildə onlar üçün 450 fərdi ev də tikilərək təqdim olunacaq.


29 Mar 2024
Cəmiyyət

Füzulidə daha 35 ailəyə mənzillərinin açarları təqdim olunub - YENİLƏNİB + FOTO/VİDEO

Füzuli şəhərinə keçmiş məcburi köçkünlərin qayıdışı davam edir. Bu gün növbəti köç karvanı ilə Füzuliyə çatan ailələrə yeni mənzillərinin açarları təqdim olunub.

29 Mar 2024
Cəmiyyət

Sabah 25 dərəcə isti olacaq

Martın 30-na gözlənilən hava proqnozu açıqlanıb.

29 Mar 2024
Cəmiyyət

Azərbaycanlı qız Harvard Universitetinə qəbul olundu - FOTO

Bakı şəhəri 279 nömrəli tam orta məktəbin məzunu Qəndab Məmmədova Harvard Universitetinə qəbul olunub. 

29 Mar 2024
Cəmiyyət

Komanda-qərargah təlimi keçirilib (FOTO)

Müdafiə nazirinin 2024-cü il üçün təsdiq etdiyi hazırlıq planına uyğun olaraq, “N” hərbi hissəsində komanda-qərargah təlimi keçirilib.